Pokiston, seonist rejimi vədə bə İroni ğanuni mudafiə həxı təkidış kardə

Pokistoni xarıci koon vəzorətxonə sıxənəvot votışe: İron İslom Respublika bo ıştəni mudafiə kardeyro ğanuni həxi soybe.

İyulə manqi 31 minnə rujədə, Fələstini İslomi muğaviməti hərəkət ( HAMAS)-i siyosi ofisi sədr, İsmoyil Həniyyə iyən dəy bə ico bıə mıhofizonku qıləyni Tehronədə və qıləy terroristiyə həmlədə şəhid bin. və dınyo səviyədə ım zalımonə hərəkət de məhkumiyətonku qıləy ləpə bə ico be.

İroni İslomi İnğilobi Yolə Rəhbər Həzrəte Ayətullah Xamenei Şəhid Həniyyə terrori bəpeşt, qıləy mesaji ğəliədə təkidış kardə: terrorist iyən cinoyətkorə sionist rejim de ım hərəkəti vositə, boıştə saxtə cəzo zəminə icodış kardə və şəhid Həniyyə intiğom sıey ki İroni İslomi Respublika kişvər və sərzəminədə şəhid be, ıştə məsuliyət zıneydəmon.

Həminə cəhətədə və bə İrna raporti əsos, zinə Pokistoni xarıci vəzorətxonə sıxənəvot, Momtaz Zəhra İslom Abadədə ıştə har haftə xəbəiyə iclosədə bə Fələstinıjon ələyh israili rejimi cinoyəton dəvomi məhkumış kardə və Ğəzzə canqi vəy qəteyro beynəlxalğə ictimo ciddi reaksiya tələbış kardə.