Pakiston: Suriyədə həmməy tərəfinə dıvləti icod kardey lozime

Pakiston de İ bıə Milləton Təşkiloti himoyəon Suriyədə həmməy tərəfinə dıvləti icod bey tələbış karde.

Bə Səhab kanali raporti əsos, İ bıə Milləton Təşkiloti Əmniyət Şuraədə bıə Pakistoni nımoyəndə Munir Əkrəm Suriyə barədə təkidış karde: Suriyə vəhdət iyən milli hakımiyəti oqəteyro bəpe de İ bıə Milləton Təşkiloti himoyəon ın kişvərədə həmməy tərəfinə dıvlət icod bıbu.

Əv əlovəş karde: Suriyədə hakemiyəti kamil iyən zumand surəti bə qıləy həmməy tərəfinə dıvləti asparde çı Suriyə siyosi, əmniyəti iyən rifoh koon həlliro lozimə koy bə hisob omeydə.