14 minnə devləti xarıci siyosəti prioriteton

İroni İslomi Respublika xarıci vəzir, 14minnə devləti prioritet, bə hamsuyə və məntəğə kişvəron diğğət kardey iyən muğaviməti mehvəriku himoyə kardey elonış kardə.

İroni xarıci vəzir, Seyd Əbbas İrağçi qıləy xəbəiyə votımonədə 14minnə devlətədə de diplomatiya təşkilaton bərnoməon bəyon kadey ijən votışe: Məsud Pezişkiyani nuyə devlət de ciddi surətədə, bə rəhmət şə prezdent, Şəhid Seyd İbreym Rəyisi devləti siyosəton yəni de məntəğə və dustə kişvəron rabitəon mıhkəm kardey iyən hamsoyəti siyosət və anti sionisti muğaviməti qruponku himoyə kardey siyosəton dəvom bədoy. İrağçi ijən de bəyon ım ki nuyə devlətədə milli izzət, milli əmniyyət iyən milli mənafe təmin kardey xarıci vəzorətxonə 3 qılə vey muhimmə məmuriyət bəbe ijən votışe: məntəğə və hamsuyə kişvəron bəpeşt, Afrika, Latin Amerkə və Asiya şərğ məntəğəon diplomatiya təşkiloti bədiqə prioritetonədə ğəror qəteydən. İroni diplomatiya təşkiloti nuyə sədr ijən de bə dəvardə 20  sori mıddətədə de İroni milləti Amerkə deşmənə siyosəton təsiri jiədə, de Avropa kişvəron Amerkə rabitəon veyə saxtion və hostonon ijən votışe: ım kişvəron Tehroni vədə, nosəhihə siyosəton iyən bəzi zəmon həm deşmənə siyosəton əncom doşone ki ehanə ım siyosəton əvəz bıkon ijən İslomi Respublika xarıci siyosəti prioritetədə ğəror bəqəten.