Pars Today

İroni İMT-ədə bıə səfir de seonist rejimi terrorə təcavuz iyən ın canqi sı kardə rejimi Livan və qırd reqiyonədə dəvominə cinoyəton məşğul beyro Əmniyyət Şura fevğəladə iclosi dəvordıneyış piyə.

Bə İRNA doə məlumoti əsos;İron İslom Respublikə İMT-ədə bıə səfir və dayimi nımoyəndə Əmir Səyid İrəvani bə İMT sər katib Antonio Quterreşi və bə İMT Əmniyyət Şura devrəynə sədri Samuel Zaboqari məktubış vığandə və çı seonist rejimi tarsov iyən təcavuzkoronə cinoyəton məhkum kardə holədə,çın cinoyəton bə reqiyonal və beynəlxalğə sulh iyən əmniyyəti ciddiyə təhdid bey və qırd reqiyoni bə hevujmığyosinə fəlokəti bardeyış bəyon kardə.

İron İslom Respublikə İMT-ədə bıə səfir və dayimi nımoyəndə əlovəş kardə:Əmniyyət Şura çe sehyonist rejimi Ğəzzə və Livanədə kardə təcavuzkor hərəkəton və fociyəvi cinoyəton dərhol bə oxo rosney iyən bə İMT Əmniyyət Şura ğətnoməon əməl kardey məcbur kardənin bıbu.

İrəvani əlovəş kardə edib ki,israyili rejim Ğəzzə tanqədə tam cəzo nıvində holədə qenosid,canqi cinoyəton və bə insoniyyəti zidd cinoyəton kardeyku i sor dəvardedə,İMT Əmniyyət Şura əmmo bə AİŞ-on təsirinə ğəror ğəbul kardey mane bey səbəbi xoto,bə iflicə vəzyəti eqınə.

seonist rejimi ləşkəri bə Livani kardə kutləvi hucumon nəticədə dəvardə haftəku jıqoşə 700-ku ziyodə inson şəhid bıə və hiç nıbu 2600 nəfər zədəjə bıə.