Qilonədə, bəpe turizm, inkişofi iminnə koonədə ğəror bıqəto

Qiloni ostandar, ostani turizm şura iclosədə votışe: bə turizm baxşədə diğğət kardey, İroni nizomi vey yolə siyosətonkue və ım metod kişvəri inkişofi prossesədə turizmi vey muhimmə vırə nışo doydə.

Hadi Həxşınos bə Qiloni turizmi zərfiyəton vey çokə zıney və məlumatərosnə zərrurət işorəş karde iyən votışe: damon, hotelon, təbii və turizm baxşədə cozibəon barədə bəpe çand zıvonə mənualon hozzo və pevelo kardey vey diğğət bıbu.

Im iclosədə ijən Qiloni dasti sənaye, turizm və mədəni irson mudir həm votışe: Həşi 1403 minnə sorədə 20 həzo 968 nəfər xarıci turist ostani rəsmi mərkəzonədə sakin bıən ki de dəvardə sori muğaisədə 36 fayiz əlovə peydoş karde.