Rəştədə de cənqəli hərəkoti mehvəriyəti, voşi cənqəli nomo nımoyişqo ojbemon

Rəşt şəhri şəhidon muzeyədə, Voşi cənqəli nımoyişqo de Qilonıjə hınə soybon əsəron nımoyiş doey iyən de cənqəli hərəkəti mehvəriyət de kali mədəniyəti fəalon iştiroki ojə bıə.

Bə Qiloni Tele-Rədyo aqentəti raporti əsos, işəmbə rujədə Rəşt şəhri şəhidon muzeyədə, Mirza Kuçikxan Cənqəli səmtiku cumhuri elon bey sorəqardışi astanədə, voşi cənqəl nomo nımoyişqo de cənqəli hərəkoti mehvəriyəti, və Qilonıjə hınə soybonku kali əsəron nımoyiş doey, oj bıə.

Im nımoyişqo 1 haftə mıddətədə və har ruj saət 9 tosə 12 həmmə muxatəbon mizbone.

Im nımoyişqo əsəron mevzu, cənqəli hərəkət, mərdumi muğavimət və Mirza Kuçikxan Cənqəli nəzəon barədəy. qıləy merd ki de bə dini bovə, mıstəğiləti və ədulət tələbi təkyə kardey, Həşi 1299 minnə sori Xordadə manqi 16 minnə ruji, mərdumi mubarizəon torixədə bə qıləy əbədi mandə noğtə əvəzış karde.