Pokistonədə Tehroni cımə nımoji xutbəon hevujə əks sədo
Pokistoni xəbəiyə kanalon, zinə deştə adi və normolə bərnoməon ğət kardışone və Tehroni cımə nımoji xutbəon bəyji pevlo beyku ki de İslomi İnğilobi Yolə Rəhbəri vositə bəyon bıə pevelo kardışone.
Pokistoni xəbəiyə kanalon ijən rapot doşone ki İslomi İnğilobi Yolə Rəhbər təkidış kardə ki əmə bə Fələstin iyən muğaviməti cəhbə ğıvvonku ğoym surətədə ıştə himoyəon dəvom bədomon.
Bə İrna raporti əsos, Pokistoni xəbəiyə kanal, Tehroni cımə ibodi və siyosi nımojədə İslomi İnğilobi Yolə Rəhbəri torixi iştirokiku çand saət bənav elonış kardə be ki Həzrəte Ayətullah Xameney bə deşmonon ələy, İroni İslomi Respublika ayəndə stratejik və Asiya ğərb təhəvvulaton barədə vey muhimmə sıxanon bəyon bəkay.
Pokistoni həmmə xəbəiyə kanalon İslomi İnğilobi Yolə Rəhbəri iminnə xutbə de Farsi zıvon və ə Həzrəte 2minnə xutbə de Ərəbi zıvon və de bəyji surətədə pevloş kardə. ım xəbəiyə kanalon ijən bəyon kardışone ki İslomi İnğilobi Yolə Rəhbər bə israili ələyh bə İroni rəketi cəvobi ğanuni bey təkid kardışone.
Im xəbəiyə kanalon ijən Həzrəte Ayətullah Xameney nəğliku bəyon kardışone: əmə həmmə deşmonon mıştərikin, və bəpe de vəhşiyə israili vositə, Fələstinıjon etosniye hərəkəti vəy bıqətəmon.
