Bə sionist rejimi hərbi iyən maliyə koməkon dəvomi Co Baydeni təkid

Dıminə Dınyo canqi bədiqə,israyili çe amerkə xarici koməkon mığdori həmməysə veyə baxşış bəştə məxsusış zınə.

Amerkə konqresi təhğiğoti mərkəzi hisobot çımiku hikoyət kardedə ki,Sıpiyə Kə milodi 1948-iku tobə 2023-ə sori sıftənə manqon 300 milyard dollar bə ın rejimi koməqış kardə.qıləy məbləğ ki,hətto boştə ıştən əyolət iyən ştaton həm jıqo xarcışon kardəni.vaşinqtoni bə sehyonist rejimi bıə dastəkon bəçəy təsisi zəmoni yəni bə 1948-ə milodi sori oqardedə.dığğət kardəninə nuktə ıme ki,bə israyili koməq amerkədə bənə qıləy ğanuni hisob beydə və ın ğanun bə amerkədə bıə icroiyyə məğam iyən rəsmi şəxson ehdə qıləy vəzifə noydə ta bo israyili bə məntəğə həmmə kişfəron nisbətədə bıə“barzə hərbi keyffiyyəti” mıhofizəro har qıləy ko əncom bıdon.de Ğəzzə canqi bə əməl omey,Baydeni devlət hərbi təchizoton,silohon iyən çandə nev muhimmoton  və sursoton min cumlə idorə bıə və anti-sənqərə rəketonış bə işğal bıə fərləstini vığandeşe ki,çəy umumi həcm təğribən 70 həzo ton bıə ki,çəy nəticə həm 42 həzosə ziyodə insoni ğətlı-am,Ğəzzə bepənohə sakinonku təğribən 100 həzo xonəxo həm zəxmin bıə iyən həmçinin Ğəzzə tanqə 70 fayiz komilə surətədə vironə bıə.vaşinqtoni bə israyili bıə hasornə 3,8 milyard dollarinə koməqisə əlovə,bə ın rejimi 14 milyard dollarinə paket və bastəş həm ratifikasiyəş kardə.

Bə qıləy nuyə təhğiğoton əsos,amerkə çe Ğəzzə canqi bino bıə zəmoniku minimum 19 milyard 900 milyon dollari rəğəmədə bə israyili hərbi koməqon kardə bıə.ın hisobot ki,bə Livani Hizbullah ələyh çe dıminə cəbhə oj bey bənav təkmil bıəbe,Ğəzzə iyən Livani canqonədə çe İbıə Ştaton sehyonsit rejimi himoyə iyən dastəki cəhətədə kardə xarcon təxmini mığdori iminə hisobotonku qıləyniye.de sehyonsit rejimi təvəssıti Livanədə nuyə cəbhə oj bey və həmçinin İroni de Rostə Və`də 2 əməliyyoton bə sehyonsit rejimi bəçəy hakimiyyəti darıştey iyən bə Həmasi siyosi ofisi rəhbər İsmoyl Həniyyə və bə Livani Hizbullah sər katib Seyd Həsən Nəsrullah iyən bə İroni Livanədə bıə hərbi mışovir qeneral Əbbos Nilfuruşani terrori və bə şəhodəti məğami rosney xoto bıə cəvob doey bədiqə ki,ım bə sehyonsit rejimi şiddətinə tarsi səbəb bıəbe,ısət çe Baydeni devlət bo çoko bəvoteyn bə sehyonsit rejimi barzə rəsmi və məğamaton dılvandi doeyro və həmçinin çoko bəvoteyn ıştə bə sehyonsit rejimi əmniyyəti bıə təəhhudi və məsuliyyəti bə vırə rosnero,çe amerkə dıyo iyən həvo ğıvvon canqi vohidonış məntəğədə mıstəğərrış kardə.bəlkəm,de qıləy Tad nomo anti rəketə sistemi feyerverk və otəşbo bə İşğal bıə Fəlsətıni vığandey,bəştə spikulyasiyə iyən qımoni əsos bə sehyonsit rejimi ıştəni mıdofiyə ğudrəti ziyodəti koməq kardedə.demi həm Rostə Və`də 2 əməliyyoti nışonış doe ki,çe sehyonsit rejimi anti rəketə sistemon min cumlə peykan ya həmonə tiy sistem ki,hejo bənə amerkə tad sistemiye,bo ironi rəketon ə cumlə Fəttoh hipersonikə rəketon təğib kardey ğudrətış ni.