Mığoviməti poydorəti iyən mandemoni dəlil iyən amilon
Mığoviməti poydorəti iyən mandemoni dəlil iyən amilon
Həmas iyən Fələstıni İslomi Cihodi Onemon mərdumiku iborət qruponin ki,bo de sehyonist rejimi sıtəm, işğol iyən vəhşiyə hərəkəton mıborizə bardero bə vucud omin.Fələstıni İslomi Mığoviməti qrupon,çe şucoətinə cıvonon iyən təlim vində dastəonku iborətin ki,de sehyonist rejimi mıborizədə qırd xətər və təhlukəon deştə conon hıriyedən və çandə sorone ki,de əvon mıborizə bardedən.joqo ki,ısət israyili irğçiyə rejimi etırofış kardə ki,de amerkə qırd ım oxoş nıbə siloh,təchizot,hərbi iyən moliyyə koməqon, ijən həm əvon ğadir nin ki,ın fədokorə mıborizon məğlub bıkon.beşək,ehyanə çe Fələstıni mərdumi məxsusən çı Ğəzzə milləti Həmasi mıcohidonku bıə himoyədorətiyonış bıənıəbe,ın təşkilot bə əsosə problemon dıço əbi iyən çəvon əməliyyoton nokom əmandi.
Livani mərdumi həm çe sehyonist rejimi işğolqərəti iyən cinoyəton telə təmışon çaştə.əmmo bın kişfərədə həm çe mərdumiku iborət bıə cıvonon, de vey kamə imkonaton de sehyonist rejimi ləşkəri sərbozon mıborizə pərçəmışon de Hizbullah onemoni təsis kardey rostışon karde tayinki,8 sori bədiqə milodi 2000-ə sori israyili ləşkər de xıffət və arəti məcbur be ki,çe Livaniku xaric bıbon.əvon ijən həm ın təcavuzkorə ləşkərışon məğlub karde və ısət həm bo Ğəzzə məzlumə milləti mıdofiyəro de sehyonist rejimi fədokoronə mıborizon bardedən.
İraği mıcohidon həm de amerkə təvəssıti çəvon kişfəri 2003-ə sori işğal kardey bədiqə,de tədrici qruponışon təşkil doe ki,çe amerkə pərçəmi jiyədə bıə xarici ğıvvon çe İrağiku xaric beyışon tələb karde. eyni holədə İraği Mığoviməti qrupon ıştə Fələstinədə bıə bıvonku ğafil nımandin və de rəket iyən dronon çe sehyonist rejimi həssoə hərbi obeyk iyən mərkəzon hədəf ğərol doydən.
Yəmən coqlə mısılmonə kişfəre ki,2012-ə soriku de səudiyyə ərəbsıtoni rəhbərti bıə ərəbə koalisiyə nobərobərə canqədə ğərolış qətə.de ın holi Yəməni mıcohidon nəyinki,təslim nıbin,bəlkəm bə muhimmə səbarzətiyon həm dastışon pəydo karde və əmələn iyən praktiki surətədə ıştə daxili iyən xarici dışmenonışon bə dumo pekırey vodorışon karde.Yəməni şucoətinə mıcohidon bo Fələstın iyən Ğəzzə mərdumi himoyə kardero,ıştə ğətiyyətin iyən əməliyə dastəkışon nışon doe və hiç qıləy vohimə nıbə holədə bə işğal bıə Fələstıni cəbubədə bıə bə İlat porti səmt şeyə kəştiyonışon həmmə həmlə kardeşone və praktiki surətədə bə çın bəndəri ıştə fəoliyyəti oqətey səbəb bin.əvon çe 2000 həzo kilometrisə ziyodə məsofəku bə işğal bıə Fələstıni əraziyədə bıə bə sehyonist rejimi təsisoton və obyekton hucumonışon karde.bə həmonə dəlili xoto,amerkə,inqiliston iyən sehyonist rejim çandə kərə bə Yəməni sərzəmini həmləonışon əncom doe,əmmo ijən həm de çın kişfəri mığovimət qrupon cəvobi dimbədim omin.bın holədə har Cımə iyən Əynə rujon çandə milyon Yəmənıjon de poyemonon bərpo kardey,çe mığovimət qruponku ıştə dastəki nışon doə holədə,bə ğəsbkorə israyili rejimi ələyh hucumon dəvom iyən şiddətin kardey tələb kardedən….
