Bo seoniston nevbəti məğlubiyyət,ın dəfə çı Amsterdami kuçəonədə
Bo seoniston nevbəti məğlubiyyət,ın dəfə çı Amsterdami kuçəonədə
Bo seoniston nevbəti məğlubiyyət,ın dəfə çı Amsterdami kuçəonədə
Makkabi Tel-Əviv komandə de Ajaks Amsterdami miyono futbol matç orəxey bədiqə seonistə təmşoəkəyon Fələstini pərçəmi təhğır kardey bədiqə fələstinıjə cıvonon de seoniston çanq bə yəxə bıən.
Avropədə bə əməl omə bənə ın hodisəon əksəriyyətədə hejo,sıftə Avropa mediyədə çı seoniston bın hodisə həxədə rəvoyton dərc be;de seoniston anqıl dayirəon rəvoyətədə bə israyili futbol komanda təmşoəkəyon iminə hucum kardə kəson Fələstini tərəfdoron bıən.əmmo qırd dəlilon Hollandiyadə çı seoniston və bə israyili təmayulış bıə devlət və siyosətçiyon rəvoyəton əksi nışon doydə.
Cımə şəvi bərpo bıə Ajaks Amsterdam -Makkabi Tel-Əviv komandəon hənəki zəmonədə bə 3000-nəfəri nezi seonist bə Makkabi komandə dastək doeyro bə stadion şeyən və çəvonku 57 nəfər bəçəvon kardə vəhşiyə hərəkəton xoto hənək nıorəxe həbs kardey bıə.ın seonistə təmşoəkəyon matç bino bey bənav çı Amsterdami kuçəonədə bənə “Ğəzzədə məktəb ni,çunki əyo hırdən mandəni” və “Ləşkər bo ərəbon məhf kardero ğalib boon”şuoronışon doə və çı Fələstini pərçəmışon dırniyəşone,şodəşone.
