Sulh iyən Navşemon
Sulh iyən Navşemon
Torıxi nışonış doə ki,elm iyən texnoloqiyə çe xətərnokə hədəfon xıdmətədə bıən.Dıminə Dınyo Canq və Naqasaki iyən Hirosima de atomi bombardımon kardey zəmoniku de tobə dınyo mıxtəlifə məntəğonədə bıə oxonə canqon,həmmə nımunəonədə elmışon çe vironəkə iyən ğətl-am kardə hədəfon cəhətədə okoşon doə.sehyonist rejim həm çe elm iyən texnoloqiyəku bo sıtəmon əncom doeyro nodırıstə bəhrə bardero oşkoə nımunəonkuye.qıləy vact ki,ın işğalqərə rejim Fələstinədə bə əməl ome,mıosirə texnoloqiyəku de bəşəri həxon darıtey iyən bo fələstınıjon terror iyən ğətl-am kardey məğsədi çəvonku istifodəş karde.
In mevzu məxsusən milodi 2023-ə sori oktyabrə manqi 7-ə ruji bıə Ələğsa tufoni iyən çe sehyonist rejimi bə Ğəzzə iyən Livani hevujə şikilədə bıə həmlə bədiqə,həmmə zəmoonisə vey oşko və məlum bıə.ın rejim bın dəvardə 1 sorisə ziyodə vaxtədə de çandə nev elmi-texnoloji avjoronku ısət çe suni intellektiku qətə tobə bənə peyceri bıə rabitə vositəonku oko doey,Fələstin iyən Livanədə de qenosid iyən ğətlı-ami ko məşğul bıə.ın mevzu çe elm iyən texnoloqiyəku bo ğeyri-insoni royədə oko doey həmməysə barizə nımunəonkuye.sehyonist rejim çe elm iyən texnoloqiyəku suyi-isytifodə kardə holədə de tosə ısət bə 45 həzo nezi bepənoh iyən məzlumə insoni ğətlı-ami ko məşğul bıə və əvonış bə şəhodəti məğamiş rosnə ki,çəvon veyni jenon iyən hırdənon təşkil doydən.həmçinin ın ğəddorə rejim çe Ğəzzə iyən Livani həyoti məkonon iyən infrastrukturonış xərob kardə.
Ğəzzə canqədə çe elm iyən texnoloqiyəku suyi-istifodə kardey,nəyinki,de ğeyri-hərbi şəxson ğətlı-ami ko bə oxo rəse,bəlkəm bə çandə milyon insoni jimoni təxrib bey iyən bə bın məntəğədə humanitar iyən insoni behroni icod bey həm boyis be.noxəşxonəon,kəon,infrastrukturon, məktəbon iyən hətto çe avarə-sərqərdonon çodıon həm de modernə elm iyən texnoloqiyə və canqi mıosirə vəsiləon təvəssıti de rohətə formə xərob kardey bin və beqıno iyən vəşyanə insonon ziyodə dastə ya ıştə cononışon çe dasto doe ya çəvon bədəni uzvon bırniyə be və ya çəvon xıyzonon miyoniku şeyən.ın curnə əməlon nəyinki,bəşəri həxon darışteye,bəlkəm bo reqiyoni sulh iyən stabilətiro qıləy təhdid bə hisob omeydə.
Umumdınyo elmi ruj çe sulh iyən ozavziye xıdmətədə bəçəmə yod ədnoydə ki,elm iyən texnoloqiyə bəpe çe bəşəri barzəti iyən çe poydor və sabitə sulhi real bey cəhətədə oko doey bıbu.beynəlxalğə onemonon məsuliyyət iyən vəzifəşon heste ki,çın avjoronku nodırıstə formədə istifodəyon məhkum bıkon iyən boçəy nəzorət iyən kontroliro qıləy zumandə təşkiloton təşkil bıdo.de ın tərtibi ozavziyə iyən bənav şeyə kişfəron bəpe ıştə hərbi modernə texnoloqiyəon bə bəşəri həxon darıştə kişfər və rejmon nıhəvaton…
