Sosyal şəbəkə iyən duyə ifodə ozodəti iddiyo
Sosyal şəbəkə iyən duyə ifodə ozodəti iddiyo
Ələğsa tufoni iyən sehyonist rejimi bə Ğəzzə tanqə həmlə bədiqə,Meta şirkəti de işğalqəron hərəkəton ayid mehtəvo kardə rəftor de istifodəçiyon tənğıd iyən etırozi dimbədim ome.internet istifodəçiyon veyni çandə kərə elonışon karde ki,çəvon çe sehyonist rejimi bə Ğəzzə mərdumi kardə sıtəmon həxədə noə post və mətləbon,pok kardey və ya de məhdudiyyəton dimbədim omən.hətto çe Fələstıni tərəfdoronku bıə kali istifodəçiyon bə ın mevzu ayid mehtəvo və mətləbon intişor kardey xoto,çəvon istifodə hisobon bastey bıən.mıxtəlifə hisoboton və məlumoton nışon doydə ki,Meta firma bəzi vıronədə mıstəğim iyən sərostə formədə çe sehyonist rejimi və ya çın rejimi hamiyon təzyiğon jiyədə,sehyoniston tənğıd kardə mətləbonışon moləşone,pok kardəşone.
BBS vebsayt milodi 2023-ə sori oktyabri 20-ədə (Ələğsa tufoniku 13 ruj bədiqə) bıə ıştə hisobotoədə elonış karde ki,İnstaqrami kali istifodəçiyon votedən ki,çəvon hisobon bə Fələstıni himoyə kardey xoto bıə mətləbon pevolo kardey xoto,”shadow banned” bıə.”shadow banned” məhdudiyyət qıləy zəmon bə əməl omeydə ki,de platformə mıdoxilə,poston iyən mətləbon çe mıxotobon iyən təmşoəkəyon lentədə zohir beydəni iyən bə bastə bıə mehtvo iyən mətləbon dast rəsey bo cokəson mıyəssər mumkin ni.Fələstıni mıdofiyəkə istifodəçiyon həmçinin elon kardəşone ki,çəvon noə stori iyən poston bə cokəson nisbətədə kamə osə ğandə kəsonışon beydə və çəvon hisobon de rohətə formə de nəvemoni vositə pəydo kardey beydəni.ım qıləy holədəy ki,Meta firma de”Fələstıni himoyəkə istifodəçiyon etosniye” ittihomi mıttəhəm bıə.insonə həxon sahədə ğeyri-kommersiya təşkilot mışohidəçi milodi 2021-ə sori mayə manqədə ın şirkət de sehyonist rejimi cinoyətə hərəkətonku iborət,nəzə,vidyo iyən şikilon moley iyən pok kardey koy mıttəhəmış karde.
Çımisə əlovə ğeyri-kommersiya mıəssiə bıə “Business for Sosial Responsibility” milodi 2022-ə sori de qıləy hisoboti iddiyo kardeşe ki,Meta hərəkəton bə bəyoni ozodəti həxon,bə sosyal səbəsojətiyon,siyosi iştirok iyən bə Fələstınıjə istifodəçiyon ələyh diskriminasiyə nıbey qıləy nopəsəndə təsirış noə və həmçinin bə ın istifodəçiyon ıştə təcrubəon barədə bıə məlumoton pevolo kardey həm qıləy təsirış noə.Meta firma tərəfiku mehtəvo iyən mətləbon məhdud kardey bəhs vey hevujə şikilədəy.məsələn çı ”şəhidi” vajə və kəlməku istifodə kardey çe Meta şirkəti platformədə bo çandə soron ğədəğən kardey bıəbe və bə Feysbuk iyən İnstaqram sosyal şəbəkəonədə veyə mətləbon de ın mevzu anqıl moley beydəbe. nəhoyətən,2024-ə milodi sori bə Meta firma nəzorətəkə heyəti elonış karde ki,platforməonədə çe ”şəhidi” vajəku oko doey ğədəğənəti bə çandə milyon istifodəçiyon etosniye boyis bıə və çın şirkətiku tələb kardey bıə ki,ın məlumə ğədəğənəti bə oxo bırosno….
