De istikbori mıborizə: Həxı de botıli dayimiyə canq
Bə İslomi nəzə əsos,de istikbori mıborizə çe ismperiyalist iyən mıstəmləkəçi devləton mığobilədə mandeye ki,bə milləton mıstəğiləti və istiğloli ziyon jeydə və çe zu tətbiğ kardey iyən sultətələbəti dumon.
Xıdovənde-Aləm Həcci mıborəkə surə 39-ə şərifə ayədə jıqo hamyedə:”Uzinə lilləzinə…bəvon canq təhmil bıə kəson cihodi izocə doey bıə.bəçəy xoto ki,bəvon sıtəm kardey bıə iyən Xıdovənd bəvon koməq kardey ğadire”.
Tuğyonqərə mıstəkbiron,zu tətbiğ kardə kəson iyən sıtəmkoron nəyinki,çe insonon məlumə həxon darışteydən,bəlkəm çəvon əmniyyət iyən oroməti həm çəvon dastiku seydən.bəhisob Xıdovənde-Xalığ bə həmmə mısılmınon sıfarış kardedə ki,çe dışmeni təcavuzon mığobilədə nəyinki,ıştəni mıdofiyəkənən, bəlkəm Bəğərə mıborəkə surə 193-ə şərifə ayədə de ğətiyyəti əmr kardedə ki,de dışmenon canqkənən de ın hədəfi ki,zəmin çəvon vucuduku pok kardey bıbu.jıqo hamyedə:”Və ğatilihum hətta…”yəni deəvon canqkənən ta fıtnəqərəti rınə dəparçıney bıbu iyən həmməy din bə Xıdovəndi məxsuse”.
Xıdovənde-Aləm Nisa mıborəkə surə 75-ə şərifə ayədə bo məzlumon himoyə kardey iyən de zolımon mıborizə bardeyro,mısılmınon bə cihodi səmt vanq jeydə və hamyedə:”Vəma ləkum la…”yəni -Bəşmə çiç bıə? bo məzlumə merdon,jenon iyən hırdənon(nicoti xoto)Xıdo royədə canq kardəniyon?bo həmonə şəxson xoto ki,voteydən:Xıdolima!əməni əhaliş sıtəmkor bıə çın şəhriku bə bi bekə”..
Bın ayədə sıftədə bə mısılımonon cihodi əmri doydə və bilofosilə çe mıstəzəf iyən məzlumonku sıxan bə miyon omə ki,sığədılə dışmenon əvonışon məcbur kardə ta əvon ıştə kə-bəon tərk bıkon.de mıstəkbiron mıborizə iyən məzlumon mıdofiyə,qıləy dini iyən əxloği vəzifəy ki,bəçəy əsos har qıləy mısılmon bəpe çe sıtəm iyən zılmi vədə bımando və ıştə dastiku xaric bıə iyən bəvon sıtəm bıə kəson həxon mıdofiyəkon.
İslomi İnğılobi Yolə Rəhbər İmom Xameneyi de tələbon ruji məşhur bıə Abanə manqi 13-ə ruji çe şoqird iyən tələbon iqlə dastə cəmədə bə istikbori iyən deəy mıborizə bardey əhəmiyəti işorəşon karde və bəvon xitobən jıqo hamyeşone:de istikbori mıborizə qıləy dayimiyə koye.şımə bəpe de istikbori mıborizə,de zılm iyən təəddi nışonəon mıborizə,de dınyo zolımkoron zılmi mıborizə ıştə jimoni mətnədə və dılədə ğərol bıdənən.çımisə əlovə ə həzrət iştimoiyyəton de istikbori mıborizə qıləy rasiyonalə mıborizə iyən bə səhihə ağl,insoni iyən bə beynəlxalğə məntıği əsos zınəşone…..
