Sosyal şəbəkəon

Sosyal şəbəkəon

Azizə əməson Durovi dastqirəti çe ğərbıvıjon nəyinki,çe Teleqrami barədə,bəlkəm qırd sosyal şəbəkəon həxədə navnə iddiyoş bə sıvoli jiş barde və bə çın curnə şəbəkəon ziyondoə xətər iyən mıdoxiləon qıləy sənəde və ım nəyinki,fransədə bəlkəm,həmmə dınyoədə jıqoye.iştimoyi kanalon sıftədə bəziyonədə ın umudəvoşon icod kardəbe ki,bəyon iyən ifodə ozodəti ki, ğərbıvıjon ıştən çəy əsliyə iddiyoəkəyon bin,daymi surətədə təzmin iyən təmin bəkarde.əmmo çı sosyal şəbəkəon həxədə bıə ım xoşbinətiyon,ıştə vırəşon bə mərdumi rujmərrə jimonədə bıə nuyə niqəronətiyon doşone və hətto çe beynəlxalğə muhit iyən çe devləton miyono canqonədə həm ım jıqoye.

Imruj bəyon iyən ifodə ozodəti prinsip və çəy bədiqə çe ğərbi kişfəron təblığ kardə formədə mediya ozodəti prinsip,jəqo həm bın kişfəronədə əsose ki,bə ın usul iyən prinsipi rioyət nıkardey.qıləy kişfəri çe demokratiyə marzonku bə istibdod iyən despotizmi sərhədon səmt sevğ doey bəzıne.çın bovə mənşə ıme ki,ifodə ozodəti prinsip ımrujnə dınyoədə ray istibdodi məhdud kardey iyən zəminə bo mərdumi nəzorətiro hozzı kardedə...

Avropə İnsonə Həxon Konvensiyədə jıqo omə:”hakəsi əğedə(vijdoni) iyən ifodə ozodətiş heste”. əmmo ın konvensiyə təkid kardedə ki,qıləy camiyə fərdon hejo de ın ozodətiyon bə ico,qıləy vəzifəon iyən məsuliyyətonış həm heste ki,bəpe de milli mənafe iyən umumi əmniyyəti muhafizə məğsədi,cinoyəti navi qətey iyən xələl icod kardey,şehrət iyən reputasiya dastəq ya cokəson həxon iyən sayirə bə ın məsuliyyəton rioyət kardey bıbu.ğərbi kişfəron bəyon iyən ifodə ozodəti prinsipi iyən informasiyə intişori vədə bıə rəftor,bın mizon iyən mığdorədə dıcurnəy və sosyal şəbəkəon boştə fəoliyyəton idomə doeyro de ın devləton siyosəton mıtənosib və bob fəoliyyət nışon doydən.çoko ki,çın platformon veyni çe amerkə iyən avropə devləton idorəçəti jiyədə ğərolışon heste və çəvon bəştə devləton siyosəton əks qıləy xəbə iyən məlumoton pevolo və intişor kardey icozəşon ni....

Bə Teleqrami zidd de qırd ım təhdidon rəğmən,ın sosyal şəbəkə çandə sorone bo bəştə mehtəvo iyn məzmunon nəzorətiro çe qıləy səmərəninə sistemi nıbeyku əziyyət kəşeydə.çın platormə çe məxfiyəti iyən şəxsi marzon bardə ciddiyə siyosəton və bo istifodəçiyon məlumoton ıştə ixtiyorədə ğərol doeyro bıə de devləton həmkoəti nıkardey,boyis be i hissə odəmon Teleqrami xətərnok iyən diskret fəoliyyəton iyən bo bə terroriston və cinoyətkoron nəzorət nıbə qıləy vırə bızınon.çe Durovi bə ın tənğıdon bıə reaksiyə jıqo be:siyosi həlli roon ki,bə şifrə noey ələyh bəhs kardey beydə,ğərol ni ki,bə terrorizmi ələyh təsirin bıbu.əqər şımə bənə Teleqrami qıləy siyosəti bıbaston,terroriston hətto dərəsey həm zıneydənin.

Demi həm bın nezono Durovi votəşe ki,ehyanə mehtəvo iyən məzmuni pok kardey iyən şodey tələb ğanuni bıbu,məsələn çe hoziyəti tərvici barədə ya qıləy mehtəvo ki,har qıləy odəm de əy mıxolife,Teleqram bəy mısbətə cəvob doydə.de ın holi əy əlovəş kardə ki,qıləy vıronədə ki,əmə fikkəmon ifodə ozodəti xəttonku iyən istifodəşiyon məxfiyətiku dəbəvardemon,bə tələbon qıləy dığğət kardedənimon..