Beynəlxalğə Cinoyət Məhkəmə bekardə order
Beynəlxalğə Cinoyət Məhkəmə bekardə order
Beynəlxalğə Cinoyət Məhkəmə ıştə 21 noyabr bəyoniyyədə de qıləy hukmi sadir kardey çe benyamin netabyahu iyən yuav qalanti həbs kardey orderış elon karde.ın hıkm bə əməl omə bə canqi cinoyəton dəli xoto hiç nıbu 2023-ə sori oktyabrə manqi 8-iku tosə 2024-ə sori mayə manqi 20-ə ruji zəmononədə sadir bıə.çın hukmi sadir kardey beynəlxalğə səth iyən səviyyədə de hevujə reaksiyəon dimbədim omə.
Avropə İttifoğ ki,çe 27 qılə kişfəronku təşkilış pəydo kardə,ın hukmi icro kardey zəruri zıneydən və ıştə uzvonku tələbışon karde ki,bo ınb hukmi icroro bəştə təəhhudon əməl bıkon.bın cəhətədə Avropə İttifoği xarici siyosəti iyən əmniyyəti rəyis pencşambə Azərə manqi iminə ruji bə netabyahu həbs kardey orderi bekardey reaksiyədə voteşe:israyili sər vəzir benyamin netanyahu iyən israyili sabiğ mıdofiyə vəzir yuav qalanti həbs kardey hukm,bəpe icro kardey bıbu və çe qırd zərfiyyətonku min cumlə çe Avropə İbemoni uzv kişfəronku tələbış karde ta ın ğəroli icrokon.
Britaniyə devlət həm bə britaniyə sabiğ siyosəton əks ki,çe sehyonist rejimi xıdmətədə bin,elonış karde ki,fikış ni çe qıləy məhkəmə səlohiyyəti de problem dimbədim bıkəmon ki,bo sər vəzir benyamin netanyahu iyən mıdofiyə vəzir yuav qalanti həbs kardey iyən cəzo hukmonış sadir kardə.əmmo co tərəfiku amerkə ijən həm ıştə həyğiyə çehrəş nışon doe.amerkə prezdent co bayden ın orderış odəmi lorzınə hıkmış zıne iyən de israyili beğeyd iyən beşərtə himoyə kardey,isbotış karde ki,ədolət bo amerkə fəğət qıləy şuore.çe reaksiyəonku əlovə,bə nəzə rəseydə ki,ın hıkm qlobal iştimoyi fiki səviyyədə həm bo benyamin netanyahu iyən yuav qalanti və bo sehyonsit rejimi hukuməti aparati qıləy əbədiyə ar bəvarde. netanyahu iyən yuav qalanti oqətey order bənə Damokli şımşi bəsə çın dı nəfərisə ehaştə bıə.bə israyili xariciku har qıləy səfə,bəçəvon həbs kardey səbəb bəbe.ın hukm nəyinki,çəvon diplomatikə səfon məhdud bəkarde,bəlkəm çe israyili siyosi iyən beynəlxalğə etıbo həm ki,çandə manqe çe dınyo iştimoiyyəti nəzdədə bə nifrəti təbdil bıə,de şiddəti iyən bəsə navnəsə vey bəkam bəbe.çımonsə əlovə sehyonsit rejimi de leqiməti behroni dimbədim bəkarde.işğal bıə sərzəminonədə netanyahu tənğıd kardə sehyonsiton veyni jıqo hisob kardedən ki,Netanyahu deştə radikalə siyosəton iyən zolımonə cinoyəton israyilış bə rıji suğuti səmt bardəşe.liza beynəlxalğə təzyiğon iyən siyosi izolasiyə mumkine bə çın rejimi infrastrukturədə hevujə əvəzon səbəb bıbu.co tərəfiku ın hukm ımi nışon doydə ki,çe dınyo iştimoiyyəti bə israyili cinoyəton nisbətədə bıə aqahəti ziyod bıə.dınyo millət ımruj çe har qıləy zəmonisə vey çe sehyonsiton bə fələstıni mərdumi bıə zılmiku vey xəbədon…
