Ğəribabadi:İron iyən Çini beynəlxalğə məsələonədə bə mıştərəkə mevğeyon malikin

Ğəribabadi:İron iyən Çini beynəlxalğə məsələonədə bə mıştərəkə mevğeyon malikin

Ğəribabadi:İron iyən Çini beynəlxalğə məsələonədə bə mıştərəkə mevğeyon malikin

İroni xarici koon vəzir muavini votəşe ki,İron iyən Çin dıtərəfinə strateji rabiton kəno,mıxtəlifə beynəlxalğə məsələonədə bə mıştərək və nezə mevğeyon malikin.

Bə Sahab şəbəkə bə İRNA istinodən doə məlumoti əsos,Pekinədə səfədə bıə İroni Xarici Koon Vəzirəti huğuğ və beynəlxalğə məsələon sahədə muavin Kazım Ğəribabadi cımə şəvi de Çini xarici koon vəzir muavini bıə məsləhəton barədə ıştə’"X" sosiyal şəbəkədə nıvıştəşe ki,de "Majausho" bıə didoədə,Çini Xarici Koon Vəzirəti rəsmi muavini çe İron və se qıələ Avropə kişfəron miyono Cenevrədə dəvordınə bıə oxonə mızokirəon barədə fiki mubadiləş bardə. Ğəribabadi votəşe:İron iyən Çini miyono muhimmə beynəlxalğə məsələon sahədə məsləhəton və məşvərəton dəvom doey və bə beynəlxalğə təşkilotonədə koordinasiya və mıştərəkə həmkoəti zumand kardey həm təkid kardəşe.

İron xarici koon vəzir muavini əlovəş kardə:İron iyən Çin dıitərəfinə strateji əloğəonku əlovə mıxtəlif beynəlxalğə məsələonədə bə mıştərək və nezə mevğeyon malikin.İron iyən Çin bə itərəfəti və unilateralizmi əksin və Qlobal Cənub və ədolətinə qlobal idorəçəti zumand kardey barədə bə eyni fiki malikin.