Amerkə iyən çəy mıttəfiğon bə Suriyə xoto cəvob doəninin

Amerkə iyən çəy mıttəfiğon bə Suriyə xoto cəvob doəninin

Amerkə iyən çəy mıttəfiğon bə Suriyə xoto cəvob  doəninin

İroni Konstitusiyə Muhafizə Şura katib çe Amerkə iyən çəy mıttəfiğon bə Suriyə xoto cəvob doəninin beyış bəyon karde və voteşe:seonist rejimi bın rujonədə çı Suriyədə bıə vəzyətiku suyi-istifodə kardey qıləy dıjdə cinoyəte.

Bə Səhab şəbəkə bə İRNA istinodən doə xəbə əsos,İroni Konstitusiyə Xandi kardə Şura katib Ayətullah Əhməd Cənnəti çın şura iclosi sıftədə reqiyonədə bə əməl omə hodisəon anqıl voteşe: seonist rejimi bın rujonədə Suriyədə bıə vəzyətiku suyi-istifodə kardey və çın kişfəri infrastrukturon kardə bıə hucum,bın məmləkətədə milləti çandə soron norohət kardə və bə insoniyyəti zidd qıləy dıjdə cinoyəte.

Ayətullah Cənnəti peşo bə İMT-ədə İnsonə Həxon Bəyonnomə ğəbuli sorəqardışi işorə kardə holədə voteşe:de ziyodə şuoron ğəbul kardə bıə bəyonnomə hiç vaxt istikbori ğıvvon bə zəyifə milləton ələyh zılmi navi qətey əzıni.çunki I tərəfiku,çın bəyonnomə prinsipon bə ilahi dınyo vindemoni bob ni və co tərəfiku həm çəy mıəllifon və imzo əkəyon bə ın şuoron əməl kardedənin.Əy bəyonış kardə:bəşəri həxon mıdofiyə şuor praktiki surətədə çe dınyo sultəqərə ğudrəton de siyosi və ixtisodi təzyiğon bə mıstəğilə kişfəron tətbiği avjori peqardə ta əvon ıştə mıstəmləkəçi mənafeyon təmin kardey bızınon.Ayətullah Cənnəti votəşe:ıştəni bənə insonə həxon həmməysə dıjdə mıdofiyəçi təğdım kardə Amerkə əslədə həmməysə vey bəşəri həxon darıştə kişfəre.