Çıro amerkə bə sehyonist rejimi dastək doydə?.

Çıro amerkə bə sehyonist rejimi dastək doydə?.

Amerkə bə Ğudsi işğaləkə sehyonist rejimi do behisobə dastəki dəlil çiçe iyən boçi amerkə çe sehyonist rejimi qırd ın cinoyəton mıdofuyə kardedə?.siyosi eksperton bə ın sıvoli doə iminə cəvob ıme ki,ğərbi asiyədə bənə qıləy stratejikə mıttəfiği unvoni bo amerkə çe sehyonist rejimi mənafeyone.ın ğeyri-ğanuni hukumət dəvardə soron dırozi ,məntəğədə de amerkə siyosəton mıxolif bıə devləton vədə bənə qıləy səddi bıə.sehyonist rejim çandə qılə canqədə de amerkə koməqon ərəbonış məğlub karde ta ıştə iyən çe vaşinqtoni mənfəəton təzmin və təmin bıko.ısət həm sehyonist rejim çe amerkə məntəğəku xaric bey tələb kardə mığoviməti məhvəri hədəf ğərol doydə.bın canqonədə oxonə hədəf,bə amrerkə devləti tabe bıə iyən çı sehyonist rejimi dustə devləton bə haikimiyyət vardeye ta de vaşinqtoni bın zonədə ıştə ğudrəti ğoym kardey,bə ğərbi səmt nati ixracati əmniyyət təmin kardey bıbu iyən çe har dıqlə sultəqər iyən mənfəət tələbə hukuməti siyosi iyən ixtisodi mənfəəton təmin kardey bıbu.bın vırədə çe Amerkə prezdent Co Baydeni sıxani barədə dığğət iyən fik-fam kardey bəbe ki,qıləy zəmon votəşbe:ehyanə israyil bıə nıəbe,əmə bəpe qıləy israyil soxtənin bimon ta məntəğədə çəmə mənafeyon hami əbi.

Amerkədə çe sehyoniston zumandə lobbi mevcudiyyət coqlə dəlile ki,Amerkə sehyonist rejimi jıqo komilə formədə himoyə kardedə.ın lobbiyon amerkədə ixtisodi,siyosi iyən mediya cəhəto qıləy hovujə nufuzışon heste və əvon nəyinki,çın kişfəri siyosətmədoron bo sehyonist rejimi himoyəro təşviğ kardedən,bəlkəm bə mıxolifon ğudrət pəydo kardey həm səbəb beydə və əmələn iyən praktiki surətədə əvoni məhf kardedən,şodeydən.bın barədə çe amerkə sehyonistə lobbiyon həmməysə dıjd iyən həmməydə dıdjdə lobbi bıə Aypəki sabiğ icroçi direktor Morris Amitay jıqo votedə:ın təğribən bo Konqresi har qıləy uzvi ki,meylış heste sənibəton vıjniyə bıbu,qıləy siyosi intihore ki,de israyili mıhofizəkorə devləti mevğıyyət bıvıjno ki,təfsir bıənin bıbu.

Çın sehyonistə nufuzinə qrupon zu qıləy zəmon dərk kardey bəbe ki,bızınəmon ki,amerkə prezdentəti nomizədon ısət çe domokrat bıbu ya respublikəçiyon,boştə şərt zıneydən ta bo səçındə səbarzətiro,çe Aypəki iclosədə iştirok bıko və ıştə bə israyili bıə bəfodorəti iyən rəğbəti nışon bıdo.