Suriyə bə israyili hucumon iminə reaksiya/İMT-ku tələb

Suriyə bə israyili hucumon iminə reaksiya/İMT-ku tələb

Suriyə İMT-ədə bıə nımoyəndə təkidış kardə ki,Suriyə çe seonist rejimi təcavuzi de şiddətinə formə məhkum kardedə və ımi,milodi 1974-ə sori mığovilə darıştey hisob kardedə.

Bə Səhab Şəbəkə Mehr Xəbə Aqentəti istinodən doə məlumoti əsos,Suriyə İMT-ədə bıə nımoyəndə Ğəsi Əl-Zəhhak bə çın təşkiloti sər katib iyən bə Əmniyyət Şura sədri dıqlə nomə vığandə holədə təkidış kardə:“qıləy zəmon ki,Suriyə bəştə torixi nuyə mərhələ bino bey şoyde, seonist rejimi ləşkər bə çın kişfəri ərazi təcavuzış kardə və Cəbəluş-Şeyx və Quneytra viloyətədə Suriyəku veyə əraziş işğal kardə”.

Ğeyd bıə məktubonədə çı seonist rejimi bə Suriyə iyən bə çın kişfəri hərbi və mulki mevğeyon ələyh hucumon hələm həm dəvom kardey bəyon bıə.Əl-Zəhhaki təkidış kardə:Suriyə çe seonist rejimi təcavuzi de şiddətinə formə məhkum kardedə və ımi,milodi 1974-ə sori mığovilə darıştey hisob kardedə və çe İbıə Milləton Təşkilot iyən Əmniyyət Şuraku tələb kardedə ta çın rejimi təcavuzon navi dərhol qətey və çın rejimi ləşkəri işğal bıə əraziyonku bə dumo pekırniyero bıə bəştə vəzifəon əməl bıko.Suriyə İMT-ədə bıə nımoyəndə bın məktubonədə bə Suriyədə bıə nuyə hukuməti dəspardemoni əsos hərəkət kardeyış bəyon kardə.

Suriyədə bıə silohinə mıxolifət və terroriston de Bəşər Əsədi hakimiyyətiku peqordıney məğsədi 2024-ə sor noyabri 27-ku Hələbi şimol-ğərb,ğərb və cənub-ğərb məntəğəonədə əməliyyotonışon bino karde və nəhoyətən,11 ruji ərzədə Dəməşğ şəhri nəzorətışon bə dast varde.

Bənə “Suriyə İnsonə Həxon Təğibi Təşkilot”-i zıney bıə qrupi məlumot doəşe:çe Bəşər Əsədi hukuməti suğuti bədiqə israyili rejim bə Suriyə ərazi təxminən 310 dəfə həvo hucumonış əncom doə.