İslomi:İroni nuvə fəoliyyət bə beynəlxalğə aqentəti çərçivə bobe

İslomi:İroni nuvə fəoliyyət bə beynəlxalğə aqentəti çərçivə bobe

İslomi:İroni nuvə fəoliyyət bə beynəlxalğə aqentəti çərçivə bobe

İroni Atom Enerji Təşkiloti rəhbər Məhəmməd İslomi tosə ımrujnə ruji çı aqentəti əmniyyət tədbiron iyən NPT çərçivədə bəştə monitorinqi beşemoni imkoni malik beyış bəyon kardə və votəşe:İroni atomi fəoliyyət beynəlxalğə aqentəti çərçivədə dəvom kardedə.

 “Səhab” xəbə aqentəti bə İRNA istinodən doə məlumoti əsos,Məhəmməd İslomi şambə ruji nuvə noiliyyəton nımoyişqo ziyorət kardə holədə və çı İroni de BAEA miyono monitorinqi sahədə bə oxonə roziyəti cəvobən votəşe:əmə de tobə ısət bə BAEA nəzorət və monitorinqi proqramon mane bıənimon və BAET həm ıştə monitorinqon bəştə ğaydəon əsos bardedə.

İslomi peso bə İroni nuvə bərnomə zidd təhrifon çe seonist rejimi siyosətonku nəşət seyış hisob karde və əlovəşon karde:ın rejim çandə sorone bə İroni atomi bərnomə fəoliyyəton əleyh təbliğot bardedə və dınyo bəçəmə ələyh təhrik kardeyro cəhd kardedə.

Oxonə soron Beynəlxalğə Atom Enerji Aqentəti bə İron İslom Respublikə sulhamiz iyən dincə fəoliyyət zidd doə veyə ğəror və hisoboton,çe seonist rejimi iyən deçəy himoyəəkə mıttəfiğ AİŞ-on təzyiğon jiyədəy.qıləy rejim ki,de tosə ımruj bə Nuvə Silohon Pevolonıbey Mığoavilə (NPT) omuj qıniyeku imtinoş kardə.