İron,Ermənıston iyən Hindıstoni miyono dıminə setərəfinə məsləhəton

İron,Ermənıston iyən Hindıstoni miyono dıminə setərəfinə məsləhəton

İron,Ermənıston iyən Hindıstoni miyono dıminə setərəfinə məsləhəton

İron,Ermənıston iyən Hindıstoni se qılə kişfəri nımoyəndə heyəton Nuyə Dehlidə dəvordınə bıə məsləhəton zəmonədə çe Şimol-Cənub Dəhlizi loyihə çərçivədə bə tanqə həmkoəti hovuj kardey təkid kardəşone və bın nəzəku çe Çabahar porti rolışon xususi ğeyd kardəşone.

Bə Tele-Rədyo xəbə aqentəti Cımə ruji sitat vardə Səhab şəbəkə xəbə əsos;bın didoədə İron İslom Respublikə Xarici Koon Vəzirəti Cənubi Asiya Departamenti sər direktor Haşim Əşcə` Zodə,Hindıstoni Xarici Koon Vəzirəti İron,Pokıston və Əfğanıstoni sahədə departamenti katib Ci Pi Sinqh və çı Ermənıstoni Xarici Koon Vəzirəti Asiya və Sakit Okean Departamenti rəhbər Anahit Karapetyan Setərəfinə nımoyəndə heyəton rəhbərətişon bəştə ehdə peqətəşonbe.

Bın məşvərəton zəmonədə erməni tərəfi bo iştirokçiyon sulhiro çotərəfinə planış izoh kardə. 2023-ə sori aprelədə İrəvanədə bə bərpo bıə navnə setərəfinə məşvərəton nəticəon əsosən, tərəfon çı rabitəon təşəbbuson,veytərəfinə forumonədə iştirok və reqiyonal hodisəonışon muzakirə kardəşone.

İron,Ermənıston iyən Hindıstoniku iborət se qılə kişfər həm ticorət,turizm və mədəni mıbodilə inkişof kardey və eyni zəmonədə insonon miyono əloğəon zumand kardey roonışon muzakirə kardəşone.

Şimal-Cənub Kordior (INSTC)bə se qılə əsosə marşruti ğərb marşrut (İron-Rusiyə-Azərbaycan- Hindıston),miyonə və ya transkaspi marşrut(Rusiyə-İron-Hindıston) və şərğ marşrut(Rusiyə-Mərkəzi Asiyə-İron-Hindistan) daxile.İNSTC-i şərğ marşrutədə Çabahari Port çı İroni cənub-şərğədə və Sistan və Bəluciston əyolətədə vey əhəmiyyətine.ın bəndər İronədə yeqanə porte ki,bə Hind okeyani bə isə beşemonış heste və boon de dıyo kırney xarcon kam kardedə.