Ərağçi:İron iyən Misr bə mıştərəkə hoviyyət və mədəniyyəti malike

İroni İslomi Respublikə Xarici Koon Vəziri bə İron və Misri bə mıştərəkə hoviyyət və mədəniyyəti malik dıqlə kişfərış zıne.

Səhab şəbəkə bə İRNA istinodən doə məlumoti əsos,İroni İslomi Respublikə Xarici Koon Vəzir Seyd Əbbos Ərağçi Ğahirədə bə bəzi torıxi və dini məkonon ziyorət kardey işorə kardə holədə, X sosyal şəbəkədə nıvıştəşe:İron iyən Misr bə mıştərəkə hoviyyət və mədəniyyəti soybin ki,çəy rişəş bə nığılə torıxi malikin və de mərhəməti peyğəmbər Məhəmməd Peyğəmbəri(s) zuhuri ğoym və zumand bıə.

Bın xususədə Ərağçi nıvıştəşe:“pencşambə ruji maştəvoni çı Ğahirə kali dini və torıxi vıron,ə cumlə həm Rə`sul-Huseyni məçit,Seyyidə Zeynəb(s) məçit,Seyyidə Nəfisə məçit və Məhəmməd Əli Paşa məçiti ziyorət kardey nəsib be.Məhəmməd Əli Paşa və çəy zoə İbreym Paşa ğəbr Hicri-Ğəməri 1262-ə sori İronıjə xəttot(Sənqlaxi)tərəfiku de farsi misraon dərostə bıə.Torıx,çe Məhəmməd Əli Paşa Misrədə qıləy modernə milli devləti icod kardeyədə bıə roli çe viro nibebəkarde”.

Ərağçi ıştə sıxani dəvomədə misrijə məşhurə ənıvışt və çı Nobel mukofoti laureat “Nəcib Məhfuzi” şeyri işorə kardə holədə,İron iyən Misri miyono mədəni nezətiyonku sıxanış votə.İroni İslomi Respublikə Xarici Koon Vəzir bın barədə nıvıştəşe:Məşhur misrijə ənıvışt və Nobel mukofoti laureat Nəcib Məhfuz çı ironıjon bə qırd mısılmınon və bə bəşəriyyəti ələyh zehni simadə ıştə qim bıə şəxsiyyəti bın koyədə pəydo kardey təəccıbin ni.

Seyd Əbbos Ərağçi həmçinin çəy de misrıjon bıə sehbətış boəy dayima de xoşə xotırəon yodədə mandeyku xəbəş doə.