Axios: Avropavıjon de İron nuvə tojə təvafuği dumoədən

Axios nomo Amerkəvıjə mediya bo de İron İslom Respublika tojə nuvə sazışi mığovilə dəbasteyro Avropa Troyka tələbiku xəbəş do.

De Yanvari 13 minnə rujədə İron və 3 qılə Avropavıjə kişvəron yəni Fransə, İnqilis və Almaniya votımonon tojə devrə nez bey həmzəmon, mediyaon, Avropavıjon diplomatiya mənbəonku nəğl kardışone ki bo de İron tojə nuvə sazışi mığoviləon təvafuğiro ım 3 qılə kişvər ıştə həmkoəti iyən irodə elonışon kardə.

Bə SƏHAB kanali raporti əsos ki İSNAku nəğlış kardə Axios nomo Amerkəvıjə mediya qıləy reportajədə de işorə bə İroni xarıci vəzir Seyd Əbbos İrağçi dəvardə rujon mısohibə nıvıştəşe: dınyoədə de həmmə cari behranon vıcudi, Avropavıjə Troyka ali diplomaton de İron, tojə nuvə sazışi tələbışon heste.