İroni Rusiyadə bıə səfir:BRİKS ayəndə dınyoədə bə əsosə roli malike

Jan 31, 2025 06:31 Asia/Tehran

İroni Rusiyadə bıə səfiri bəyonış kardə ki,beynəlxalğə arenada mevcud zu strukturi zəyifəti səbəbiku BRİKS qrup dınyo ayəndədə əsosə rol ifo bəkarde.

Səhab şəbəkə bə İRNA istinodən doə məlumoti əsos,İroni Rusiyadə bıə səfir Kazım Cəlali de Moskvadə bıə ironıjə mediya muxbiron musahibədə BRİKS-i bo dollari qlobal hukmronəti bəkam kardero təkid kardəşe və votəşe ki,proqnoz beydə ki,2030-ə sori ufuğədə çı dollari mərkəzi bank ehtiyotonədə bıə səhm 58%-ku bə 35-40%-i bəkam kardey bıbu.

Cəlali əlovəş kardə ki,BRİKS-i təğib kardə proseson vəomədə ın qrupi bə dıjd iyən muhimmə təşkiloti pebəqordıne.bə mevcudə kəmiyyəti statistika əsosən,BRİKS-i ixtisodi vəzn qıləy səviyyədəy ki,dırozmıddətinə perspektivədə vey hevujə formədə ğeyri-ğərbə təfəkkuri nuyə ğutbi inkişof doey bəzıne.

İroni Rusiyadə bıə səfiri bəyonış kardə ki ki,holı-hozıədə BRİKS-i hışkə zəmini sahə təxminən 32%-i,əhali 46%-i,telı ehtiyaton 20%-i,xarici ehtiyaton 40%-i və bəisə xarici investisiyaon 30%-i,donə istehsoli 42%-i və donə istehlok və məsrəfi 40%-i təşkil doydə. İronıjə diplomati əlovəş kardə,çəş kardey beydə BRİKS nuyə İnkişofi Bank bo Dınyo Banki alternativ bıə holədə ım,çe Ğərbi inkişofi mexanizmon i nev əvəz bəkarde.

Bə BRİKS-i qrupi bə əməl omey torixi işorə kardə Cəlali votəşe ki,2024-ə sori çe BRİKS-i fəoliyyəti həcm vey hovuj və dıjd bıə;2024-ə sori BRİKS uzvon rəğəmi çe penciku bə da ədədi rost bıə iminə sor be.2023-ə sori Cənubi Afrikadə dəvordınə bıə BRİKS-i sammitədə bə ın qrupi İron İslom Respublikə həm daxil bıə holədə 5 qılə kişfər əlovə bıə.