Avrasiya İxtisodi Komissiya rəhbər de İroni əloğəon zumand kardey təkid

Apr 03, 2025 05:10 Asia/Tehran

Avrasiya İxtisodi Komissiya icroiyyə şura rəhbəri bə İron İslom Respublikə prezdenti Məsud Pezeşkiyani de 12 fərvərdin İslomi Respublika ruji mınosibəti təbrikə məktub vığandə holədə,çe Tehroni de Avrasiya uzvon rabitəon zumand kardey təkid kardəşe.

Pars Tudey bə İRNA istinodən doə məlumoti əsos,Avrasiya İxtisodi Komissiya icroiyyə şura sədr Baqit Can Saqintayev bə İroni prezdenti təbriknomədə nıvıştəşe:xotırcəmim ki,Avrasiya kişfəron de İroni miyono səmərəninə dıtərəfinə həmkoəti bəçəmə kişfəron nəf və rifohi nominə nığıl kardey bəbe.

Saqintayev çı Avrasiya İttifoği və ıştə nomiku bo İroni ozavziye və ixtisodi tərəğği oruzu kardəşe.