Almaniya:Trampi tarifonku bə dumo pekırey səbəb Avropa ibemon be

Apr 10, 2025 06:32 Asia/Tehran

Pars Tudey-pencşambə ruji bə Mehr Xəbə Aqentəti istinodən doə məlumoti əsos,AİŞ hukumət nəhoyət ki,bə bəzi kişfəron,min cumlə bə Avropa kişfəron ələyh qumruki tarifon 90 ruji mıddətədə oqətəşe və ın mıddəti ərzədə tərəfon de votemoni roy bə diplomatikə həlli noyil bey bəzıneyn.

Bəçımi əsos,çe Almaniya məşhurə siyosətçi və bə çın kişfəri ayəndə kansleri vəzifə əsosə nomizəd bıə Fridrix Mertz çe AİŞ prezdent Trampi administrasiya tarifi siyosətiku bə dumo pekırey cəvobən bə Avropə vəhdət iyən ibemoni vocibəti təkid kardə holədə,çın vəhdəti bə Vaşinqtoni bə dumo pekırey əsosə səbəb beyış bəyon kardə.

Almaniya mıhofizəkar partiya lider,bo kansler bey royədə bıə Fridrix Mertzi votəşe ki, Avropəvıjon bo ıştəni mıdofiyə kardeyədə ciddin və ın nımunə nışon doydə ki,vəhdət iyən ibemon bo səbarzətiro həmməysə vocibə amile.