İroni Parlamenti uzvon Hollandiyədə Kərimə-Ğıroni təhğır kardeyışon məhkum kardə

Apr 15, 2025 07:01 Asia/Tehran

İroni İslomi Şura Məclisi 170-sə veyə uzvon çı Hollandiya Amsterdam şəhrədə Kərimə-Ğıroni təhğır kardey məhkum kardə iyən qınokoron bə cəzo rosney tələb kardə qıləy bəyonotışon imzo kardə.

Pars Tudey bə İRNA istinodən doə məlumoti əsos,İroni İslomi Şura Məclisi nımoyəndəon ın bəyonot ki,de Məclisi Rəyosət Heyəti uzv bıə Mıştəbo Bəxşipuri təvəssıti handey be,jıqo votey beydə: “14/01/1404-ə Həşi sori pencşambə ruji şəvi saatonədə qıləy ekstremistə şəxs Hollandiya Amsterdam şəhrədə meriya bina vədə de qıləy İslomofobikə hərəkəti bə Kərimə-Ğıroni vəş jeyro cəhdış kardə.bə Kərimə-Ğıroni və ya har qıləy co mığəddəs kitobi vəş jey qırd dınyoədə çandə milyard insoni hisson rəncidə kardə qıləy beədəb və təhğırəkə hərəkəte. Bəyonoti dəvomədə votey beydə:“Bənə həmmə dinon İslomə din həm çe sulh,ədolət və dıtərəfinə hurməti dumoye və bə harcurnə təfrığə ofəyə hərəkəton və ziddiyyəti ələyhe”.

İslomə dini mığəddəs kitob bıə Kərimə-Ğıron bo mısılmınon və həmmə ozod və muminon çe hidoyəti kitob və ali mənəvi mənbəy və bəy ehtırom noey bə bəşəri bovə iyən erjon hurməti mənoədəy.