İron-Rusiyə əloğəon zumand iyən strateji xarakterış heste.

Apr 19, 2025 09:32 Asia/Tehran

İroni Xarici Koon Vəzir Seyd Əbbos İrağçi deştə rusiyavıjə həmko bıə didoədə İron-Rusiyə munasibətonış vey zumand və Moskvaş çe İroni əsos və strateji şərikış hisob kardə.

Pars Tudey bə İroni Tele-Rədyo Aqentəti istinodən xəbə doydə ki,İroni Xarici Koon Vəzir Seyd Əbbos İrağçi deştə rusiyavıjə həmko bıə vindemonədə çe Ali Rəhbəri mesaji bə Rusiyə prezdent Vladimir Putini rosneyış bəyon kardə və çe İron-Rusiyə munasibətonış vey zumand və Moskvaş çe İroni əsos və strateji şərikış hisob kardə.

Seyd Əbbos İrağçi iyən Rusiyə xarici koon vəzir Serqey Lavrov zinə ruji Moskvada vindemon kardəşone.bın sehbətədə mıxtəlifə məsələon,ə cumlə həm çe dıqlə məmləkəti miyono Hərtərəfinə Strateji Sazişi barədə həm mızokirəon bardə bıə.

İroni Xarici Koon Vəzir deştə rusiyavıjə həmko bıə didoədə bə mehmonpərvərəti xoto sepas iyən təşəkkurış kardə və votəşe:zinə mı de cənob Putini qıləy vey çok və dırozmıddətinə didom dəvordıne və çı Ali Rəhbəri nıvıştə mesajım bəy rosne.ım,həm bə cənob Putini və həmən bə qırd dınyo qıləy mesaj be ki,İron Rusiyə ıştə əsos və strateji şərikış hisob kardə və muhimmə məsələonədə deəy məsləhəton kardedə.