Bə İron iyən Pokistoni miyono elmi diplomatiyə təkid

İron iyən Pokistoni təhsili rəsmiyon ali təhsili sahədə bə dıtərəfinə həmkoəti zumand kardey və mıştərəkə tədğiğot potensiyali inkişof doey vocibəti təkid kardəşone.

Pars Tudey bə İroni Tele-Rədyo Aqentəti istinodən xəbə doydə ki,İron İslom Respublikə de Pokistoni miyono elmi və akademikə rabitəon zumand kardey prosesi dəvomədə çe dıqlə məmləkəti təhsil rəsmiyon miyono bıə didoədə ali təhsili sahədə bə dıtərəfinə həmkoəti zumand kardey və mıştərəkə tədğiğot potensiyali inkişof doey vocibəti təkid kardəşone.

EKONEX elmi konfransəda iştirok kardero bə Pokistoni səfə kardə İroni Elm,Tədğiğot və Texnoloqiyəon Vəzirəti təhsil vəziri muavin Əbulfəzl Vahidi çe Pokistoni poytaxt İslomobodədə de çın kişfəri elm və texnoloqiya vəzir Xalid Huseyn Maqsi vindemon iyən mızokirəonış bardə.