Harvardi Universitet Trampi administrasiyaş bə məhkəməş doə

Harvardi Universitet Trampi administrasiyaş bə məhkəməş doə

Harvardi Universitet Trampi administrasiyaş bə məhkəməş doə

Harvardi Universitet prezdent Donald Trampi çandə milyard dollarə federal moliyyə navi qətey iyən bəkam kardey oqəteyro AİŞ hukumətış bə məhkəməş doə.AİŞ prezdent Donald Trampi Harvard,Kolumbiya və co unversiteton kampusonədə bəçəy bovə əsos,bə antisemitizmi məsələ nəzorət nıkardə unversiteton çe hukuməti moliyyəş bırniyə və blokış kardə.

Pars Tudey bə İRNA Xəbə Aqentəti istinodən doə məlumoti əsos,Harvardi Unversitet bə AİŞ prezdenti ələyh bə Boston federal məhkəmə təğdım kardə iddiyoədə votey beydə ki,Tramp kampusonədə bo antisemitizm və ideoloji təəssıbkeşəti çəy rişəku pok kardero bə Amerkə yolə unversitetonədə navəşənə tədğiğoton moliyyə noey zidd hovujə hucumış bino kardə.

Bə Harvard Unversiteti prezdent Alan M. Qarberi sıxanon əsos,çe AİŞ hukuməti bə ın nufuzinə mıəssisə ələyh  oxonə rujonədə ziyodə bıə ziddiyyət,bo noxəşon,tələbəon, muəllimon,koqəron,tədğiğotçiyon və bo Amerkə ali təhsili dınyoədə bıə mevğeyiro ciddiyə nəticəlon bəvarde.