İron iyən Rusiyə de mədəni həmkoəti inkişofi anqıl fiki mubadilə bardedən

Rusiyə mədəniyyət vəzir Olqa Lubimova de İroni Moskvadə bıə səfir Kazım Cəlali və mədəniyyət iyən İslomi İrşod vəziri muavin Rayid Fəridzodə miyono dido əsosə mevzu mədəni həmkoəti inkişof doey bıə.

Pars Tudey bə İRNA istinodən xəbə doydə ki,çı Rusiyə mədəniyyət vəzir Olqa Lubimova bın vindemonədə rusiyəvıjə sənətçiyon İronədə bıə Rusiyə Mədəniyyət Haftədə iştirok kardero mıxtəlif və hovujə planışon bəyon kardə.Lubimova bə İron iyən Rusiyə miyono mədəniyyət və nəciməsənət sahədə veyə fəoliyyəton dəvom kardey işorə kardə holədə votəşe:əmə İron-Rusiyə Mədəniyyət Komitə iclosi Tehronədə bərpo kardey təklif de Mədəniyyəti haftə eyni vaxti elon bəkardemon və boçəy bərpo kardero əmə tam hozzımon.

Rusiyə mədəniyyət vəzir peşo Rusiyə bə BRİKS-i sədrəti kardə 2024-ə sori İron İslom Respublikə bə BRİKS-i tədbironədə fəolə iştiroki işorə kardə holədə əlovəş kardə:əmə İron İslom Respublikə fəğət dıtərəfinə munasibətədə ne,həmən bənə dəvardə soron,çe BRİKS iyən Şanxay Həmkoəti Təşkiloti çərçivədə veytərəfinə mıtəğobilə fəoliyyətonədə həm çe Rusiyə kəno bey səmt vanq jeydəmon.

İron İslom Respublikə Rusiya Federasiyədə bıə səfir Kazım Cəlali Moskva və Sankt-Peterburqədə mehtəşəmə İroni Mədəniyyət və Nəciməsənət Rujon təşkilədə Rusiya Mədəniyyət Vəzirəti həmkoətiku məmnunəti ifodəş karde və voteşe:umu kardedəmon ki,ım dıtərəfinə tədbir İronədə həm vey çok dəvordıney bəbe və əmə Tehronədə həm mıştərəkə mədəniyyət komitə icod kardey təşviğ kardedəmon.