İron iyən Rusiyə bə medya sahədə həmkoəti hevujəti təkid kardəşone

İron iyən Rusiyə bə medya sahədə həmkoəti hevujəti təkid kardəşone

Ironi Mədəniyyət və İslomi İrşod Vəzirəti medya koon muavin və Rusiyə Xarici Koon Vəzirəti sıxanəvot bə Tehron və Moskva Əhatəynə Strateji Muğavilə bob bıə medya həmkoəti səviyyə barz kardey,təcrubə mubadilə zumand kardey,ruşinəkəi seminaron dəvordıney,bə xəbon dığğət kardey və medya sahədə mıştərəkə mubarizə bardey ciddi ğəroron təkid kardəşone.

Pars Todey cımə ruji bə İRNA istinodən doə xəbə əsos,bə medya sahədə həmkoəti dayir pencminə mıştərəkə iclosədə iştirok kardero de qıləy numayəndə heyəti sədrəti bə Moskva səfər kardə İroni Mədəniyyət və İslomi İrşod Vəzirəti medya koon muavin Məhəmməd Rıza Novruzpur de İroni Moskvadə bıə səfir Kazım Cəlali və de Rusiyə Xarici Koon Vəzirəti sıxanəvot Mariya Zaxarova dido kardəşe.İxtisosinə təlimon inkişof,pofessiyonalə təcrubə mubadilə,medya səvodi təşviğ,bə urusi və farsi zıvonon təbliği koməq və de pesoxtə bıə xəbon cərəyoni mubarizə bardero strukturin kardə bıə həmkoəti,bın vindemonədə çe dıqlə tərəfi muzakirəon prioriteton miyono bıə.

Bu didoədə İroni Moskvadə bıə səfir Cəlali bə medya həmkoəti inkişofədə bıə mısbətə meylon işorə kardə holədə,çı rusiyəvıjə jurnaliston  bə İron səfə kardey və çəvon fəoliyyəton şərayiti hoston kardeyış elon kardə və bənə dıtərəfinə rabitəon əsosonku qıləyni bıə bə medya əloğəon zumandəti vocibəti təkid kardəşe.