Bə Trampi beəsosə iddiyon İroni ğətiyə cəvob:"şımə İroni xalği zıneydəniyon!"

Bə Trampi beəsosə iddiyon İroni ğətiyə cəvob:"şımə İroni xalği zıneydəniyon!"

Bə Trampi beəsosə iddiyon İroni ğətiyə cəvob:"şımə İroni xalği zıneydəniyon!"

İron İslom Respublikə barzə rutbəynə rəsmiyon bə AİŞ prezdenti reqiyonal səfə zəmonədə votə oxonə sıxanon ğoymə cəvobon doəşone və təkidışon kardə ki,nəyinki,ın iddiyon beəsose,bəlkəm həm ım çəy de İron iyən reqiyoni həyğəton anqıl nığılə noaqahəti əks kardedə.

AİŞ prezdenti Donald Trampi bə reqiyoni oxonə səfə zəmonədə bə İroni ələyh de hucuməkə sıxanon bo medya dığğəti cəlb kardero səyış kardə.əmmo çı İroni rəsmiyon ğətiyyətinə cəvobon və mərdumi hovujə reaksiyəon nışonış doe ki,“Zumandə İron” nəyinki bə çın iddiyon təsiri ji dəşeydəni,həmən bəlkəm de qıləy vəhdət və ibemoni har qıləy psixoloji muharibə neytral kardedə.

İslomi İnğılobi Yolə Rəhbəri cəvob:“Trampi sıxanon bo cəvob doeyro loyığ ni”.Pezeşkiyan:"Tramp ironıjon zıneydəni!" İroni prezdent Məsud Pezeşkiyan çı Kermonşah mərdumi cəmədə bə AİŞ prezdenti iddiyon işorə kardə holədə votəşe:"şımə bə DAİŞ-i(İŞİD) dastəkon doe,ısət həm bəmə votedon ki,şımə canqi otəşi sı kardedon? sehyonist rejim hırdən iyən jenon kışteydən,əmmo şımə çe insoniyyətiku qəp jeydon?".