İspaniyə çıro bə sehyonist rejimi təzyiğon ziyod kardedə?

İspaniyə parlament çın kişfəri hukuməti bə sehyonist rejimi har qıləy hərbi texnika ixraci oqəteyro vanq jeyə bə məcburi ğıvvə malik nıbə təklifış ğəbulış kardə.

Muxalifət partiyəon Podemos və Kataloniya Respublikaçi (ERC) bə ico Çəpə Somar Partiyə koalisiya təğdım kardə plan bə muhafizəkor Xalğ Partiya(PP) və rostçi Vox partiya(VOX) ələyh beşe,lakin oxoyədə 176 qılə sədoku de 171 əleyhə sədo təsdığ kardey be.ın plan bə sehyonist rejimi bəçəy qenosid və ya insoniyyəti zidd cinoyəton xoto hərbi roziyətiyon navi qəteyro xarici ticorət ğanunonədə islohotonku iborəte.

İspaniyə Mudafiyə Vəzirəti çımi bənav həm elonış kardəbe ki,de təmir və texniki xıdməton əloğədor bıəyon istisno bıə holədə, de sehyonist rejimiku siloh hıriye anqıl İspaniyə qırd mığoviləon milodi 2023-ə sori oktyabrə manqi 7-ku oqətə bıə.