Avropə Dıminə Dınyo Canqi əslə dərsonış viro bekardə?
Avropə Dıminə Dınyo Canqi əslə dərsonış viro bekardə?
Avropə Dıminə Dınyo Canqi əslə dərsonış viro bekardə?
Avropədə Dıminə Dınyo Canq bə oxo rəsey 80-ə sorəqardışi ərəfədə Şərği və Mərkəzi Avropə kişfəron 7 qılə xarici koon vəziron və Ukrayna çe Amerkə “The New York Times” qəzeti məğalədə (8 may) bo nevbəti dınyo canqi navi qəteyro bə həmonə devriku dərs sey vocibəti təkid kardəşone.
Bənə beynəlxalğə əmniyyətədə oqardemoni noxtə bıə çe Rusiyə bə Ukrayna həmlə peyo təmərkuz kardə Yan Lipavski(Çexiya xarici koon vəzir),Marqus Tsakna(Estoniya xarici koon vəzir),Bayba Braz (Latviya xarici koon vəzir),Kestutis Budris (Litva xarici koon vəzir),Mixay Popesku (Moldova xarici koon vəzir),Radoslav Sikorski (Polşa xarici koon vəzir) və Andriy Sibiha (Ukrayna xarici koon vəzir) zinə ruji Avropədə dəvominə sulh və əmniyyəti təmin kardero Dıminə Dınyo Canqiku penc qılə əsosə dərsışon ğeyd kardə.bın məğalədə əvon ğeyd kardəşone ki,bə II Dınyo Canqi səbəb bıə səhfonku nəticə bekardey,III Dınyo Canqi vəy qətey və bo sulhpiyə demokratiyəro bə ədolət iyən adekvat əmniyyəti zəmonəton əsos bıə beynəlxalğə sistemi icod kardey vocibe.
