Ərağçi:Əmə sanksiyəon rəyrə ləğv kardeyədə tərdid nibəkardemon

Ərağçi:Əmə sanksiyəon rəyrə ləğv kardeyədə tərdid nibəkardemon

İron İslom Respublikə Xarici Koon Vəzir Seyd Əbbos Ərağçi təkidış kardə ki,sanksiyəon vey rə miyoniku rost kardə bıə har saat əmə ıştə dastiku omə səyon nışon bədomon,lakin de İroni xalği huğuği çe dasto doey ğıyməti ne.

İron iyən AİŞ miyono ğeyri-sərostə nuvə mızokirəon pencminə raund cımə ruji bərpo bıə.Tehron və Vaşinqtoni miyoni ixtilofon,xususən həm de İroni uranı qəncin kardey həxon zəminədə həni həm əyoni bıə.

Seyd Əbbos Ərağçi bə Xaneye-Mellət(Milləti Kə) Xəbə Aqentəti doə musahibədə de İslomi Şura Məclisi Milli Əmniyyət və Xarici Siyosət Komissiya numayəndəon zinə işambə ruji bıə dido məhvəri işorə kardə holədə votəşe:”Əmə mızokirəonədə çe İroni mərdumi həxon,min cumlə həm de urani qəncin kardey huğuği anqıl bə quzəşt nibəşemon”.

Bəzi KİV-on mızokirəon de tosə ımsornə sori tovostoni dəvom pəydo kardey əloğədor iddiyon barədə,XKN rəhbəri votəşe:“Imon həmmə təxmin iyən spekulyasiyəonin”.Əmə tadibəsə nimon və təbiyie ki,təxir həm nibəkardemon; Yəni,sanksiyəon vey rə çe miyoniku rost kardeyədə hər qıləy saat əmə tərəddud nibəkardemon və ıştə səyon nışon bədomon,əmmo de İroni milləti həxon dasto doey ğıyməti ne.əve həm,əmə de səbr və oroməti mızokirə bəbardemon və çe xalği huğuğon,ə cumlə həm urani qəncin kardey məsələdə bə quzəşt nibəşemon.

İroni Xarici Koon Vəzir de urani qəncin kardey məsələ mıəyyən kardey əloğədor,təkidış karde ki,ın məsələ çəmə nəzəku ruşine.

Ərağçi bəyonış kardə:"Mızokirəon çe irodəon canqe və çın nəzəku çəmə dılon de həmmə İroni mərdumi,xususən həm de numayəndəon qame ".çın votemonon nəticə çe İroni milləti həxon təmin beyədə məlum bəbe.