İrəvoni:Bəpe bə devləton suverenə həxon hurmət noey bıbu

İroni İMT-ədə nımoyəndə bə Əmniyyət Şura nomədə:Avropə troykə beynəlxalğə huğuği çərçivədə bə devləton suverenə həxon bəpe hurmət kardey bıbu.

İron İslom Respublikə İMT-ədə nımoyəndə bə Əmniyyət Şura unvon kardə məktubədə çe Avropə seqləyni iyən troykə 2231 rəğəminə ğətnomə və de AHMFP-i darıştey anqıl beəsosə iddiyon cəvob doəşe və votəşe:Əqər Avropa seqləyni həyğətən diplomatikə həlli tələb kardedəbu,bəpe ıştə real nıbə nəzəonku dast kəşəninin və çı devləton suverenə həxon çərçivədə bəpe bə beynəlxalğə huğuğon hurmət noey bıbu.

İron İslom Respublikə İMT-ədə səfir iyən dayimi nımoyəndə Əmir Səyid İrəvani bə İMT sər katib və Əmniyyət Şura sədri unvon kardə məktubədə nıvıştəşe:Bə beynəlxalğə sulh və əmniyyəti əsl təhdid çe İron İslom Respublikə sulhmərominə nuvə fəoliyyətədə ni,bəlkəm ğeyri-ğanuni iyən dayimi surətədə çe İMT nizomnomə iyən beynəlxalğə həxon darışteye.

İrəvani bəyonış kardə:İron İslom Respublikə ğəti şikilədə xəbərdorəti kardedə ki,çe Əmniyyət Şura navnə ğətnoməon kanə bıə muddəon bəyji kardey cəhd,huğuği cəhəto beetıbo və siyosi cəhəto beehtiyot və qıləy riskinə qəm bəbe və bo reqiyonal və beynəlxalğə sulh və əmniyyətiro bə nığılə sabitəti darıştə nəticəon səbəb bəbe.