Ğəribobodi:Avropa huğuği cəhəto snapbak-i aktiv kardey ixtidorədə ni

Ğəribobodi:Avropa huğuği cəhəto snapbak-i aktiv kardey ixtidorədə ni

Ğəribobodi:Avropa huğuği cəhəto snapbak-i aktiv kardey ixtidorədə ni

İron İslom Respublikə Xarici Koon Vəzirəti huğuğ və beynəlxalğə koon vəziri muavini çoşanbə ruji elonış kardə:Əmə bo Avropa tərəfon izoh domone ki, əvon ğanuni surətədə snapbaki tələb kardey əzınin.Çoşanbə ruji Avropə seqlə kişfər və Avropa İttifoği numayəndə dırozmıddətinə mızokirəon bardey ğeyd kardə Kazım Ğəribobodi təkidış kardə:Məlume ki,çəmə dığğət çe İMT Əmniyyət Şura 2231 ədədinə ğətnomə məsələ sahədə be və əmə həm çe avropavıjon bə ğətnomə bıə nəzəmon ətrofinə surətədə muzakirəmon karde və bərrəsi kardedəmon.

İroni Xarici Koon Vəzirəti huğuğ və beynəlxalğə koon vəziri muavini ğeydış kardə:Əmə bo Avropa tərəfon huğuği cəhəto şəffof iyən vey ruşinə şikilədə izoh domone ki,əvon ğanuni surətədə snapbaki aktiv kardey tələb kardey vəzyətədə nin və boçəvon ın hərəkətiro hiç qıləy huğuği əsos ni.Ğəribobodi dəvomış karde:"Həlbəttə,çəvon farğinə nəzəşon heste,əmmo əsl məsələ ıme ki,avropavıjon 7 sore ki,ğanuni surətədə AMHFP-i bə həyot dəvordıneydənin,deməkə ki, əvon de behəyoəti ımi icro kardedən".

İroni Xarici Koon Vəzirəti huğuğ və beynəlxalğə koon vəziri muavini oxoyədə əlovəş kardə:“Lakin çəvonku tələb kardey bıə ki,əqər AMHFP-i bə həyot dəvordıneydənbu,jəqoədə çiçışon kardə bıvoton,zira bə İroni məlumoton əsos,Avropa nəyinki bə AMHFP-i əməlış kardəni,həmən bə İroni sanksiyaonış həm tətbiğ kardə.