Aya İron,Çin iyən Rusiya ittifoğ bo Ğərbi devləton kabuse?
Avropa İttifoğ bın nezonədə bərpo bıə Şanxay Sammiti bədiqə çe İron İslom Respublika,Çin iyən Rusiya ittifoği tərəfiku təhlukəş hiss kardə.
Şanxay Həmkoəti Təşkiloti zirvə qırdbemon avqusti 31-ə rujiku tobə sentyabri 1-ə ruji çe Çini Tianjin şəhrədə de devlətə rəhbəron iştiroki bərpo bıə.
Pars Tudey bə Mehr Xəbə Aqentəti istinodən doə məlumoti əsos,Avropa İttifoği Xarici Siyosət sahədə rəhbər Kaya Kalas çoşanbə ruji bə Şanxay Həmkoəti Təşkiloti və bə "Çin və Rusiya ittifoğ"-i sammiti ələyh mevğe numayişış kardə.Bə Şanxay Həmkoəti Təşkiloti uzv kişfəron lideron Çinədə bey işorə kardə Kalas,çe Avropa Komissiya mətbuat konfransədə iddiyoş kardə ki,Çini prezdent çe Rusiya,İron iyən Şimoli Koreya lideron kəno mandeyədə,ım,fəğət anti-Ğərb təsviron ni,həmən bə ğaydəon əsos bıə bo beynəlxalğə nizomi bəisə meydon handeye.
