Rusiya dıminə həmməysə dıjdə bank İronədə filiyali təsisi dumoye
Rusiya dıminə həmməysə dıjdə bank hisob bıə iyən Tehronədə numayəndətiş bıə VTB Banki idorə heyəti uzvi elonış kardə:İron İslom Respublika Mərkəzi Banki bo çın banki Tehronədə ıştə filiyali ojbemoniro prinsipiyalə roziyətiş doə.
Bə Pars Tudey doə məlumoti əsos ,Bank VTB mətbuati xıdmət cımə ruji bə IRNA Moskvadə bıə ofisi vığandə xəbədə bə çın banki idorə heyəti uzv bıə Olqa Başa istinodən əlovəş kardə:Əmə çın Rusiya banki Tehronədə filiyali təsis kardey prosesi iminə mərhələmon təmom kardə və bə peşonə mərhələonku dəvardey həm dəvom bədomon.
Əy ğeydış kardə:Əmə lozımi kommunikasiyaon oneydəmon,dırıstə rabitəon zənciri bə formə dənoə holədəmon və çe VTB Banki İronədə filiyali fəoliyyət nışon doey prosesədə qırd huğuği nuanson və zərifə nuktəon omuteydəmon.
