Aya Fransa Pencminə Respublika bə xətti oxo rəsə?
Aya Fransa Pencminə Respublika bə xətti oxo rəsə?
Aya Fransa Pencminə Respublika bə xətti oxo rəsə?
Fransa çəpə partiyaon bə kişfəri parlamenti de Fransa prezdent Emmanuel Makroni impiçmenti tələbi anqıl vəsotətışon təğdım kardə.
Fransa Təslimnıbə Çəpə Partiya(LFI) lider Jean-Luc Mélenşoni bəyonış kardə ki,muxalifət de Fransa prezdent Emmanuel Makroni impiçmenti tələbi anqıl tələbi bə parlamenti təklifış təğdım kardə.Fransa Milli Assambleyaədə bə Makroni ələyh impiçmenti təklif çe prezdenti səlohiyyəton miyoniku şey əloməte və çəy cəhəton çe Parisi hududonku bə kəno beşeydə.Fransa holı-hozıyədə siyosi,ixtisodi və sosiyal behroni miyonədəy və əsosə sıvol ıme ki,aya Pencminə Respublika bə xətti oxo rəsə?
Pencminə Respublikaədə iminə dəfə çe vist manqi ərzədə çoqlə sər vəzir bə hakimiyyət omə.veyə ehtımol heste ki,Fransua Bayrou hukuməti volo bıə holədə, Makron hələm həm çe siyosi behroni miyono bo sər vəziriro çe nuyə simo dumo bəbe.Makron çe impiçmenti tələku perəxeyro məcbur bəbe ki,çe mərkəzi çəpə fiquru bıvıjno.Lakin çəpə mərkəzçi sər vəzir mumkin ni ki,Fransa çın nığılə siyosi,ixtisodi və sosyal behroniku xaric bıko.Fransa de budcə kəsiri və de ziyod bıə ğarzi mubarizə bardedə.Ki sər vəzir bıbo,bo xarcon bəkam kardero ixtisodi islohoton siyosəti bə həyot dəvordınənine.qıləy siyosət ki,oxonə i sori dırozi seqlə sər vəzirış bə zəmin jeyə və çominə qıləyni həm çe suğuti ərəfədəy.
