İMT sər katib İron-AEBA roziyəti təşviğ kardedə

İMT sər katib İron-AEBA roziyəti təşviğ kardedə

İMT sər katib İron-AEBA roziyəti təşviğ kardedə

Antoniyo Quterreş de İron İslom Respublika xarici koon vəziri bıə telefonə qəpədə çe İroni de Beynəlxalğə Atom Enerji Aqentəti çokonə dıtərəfinə fəoliyyət nışon doey anqıl oxonə roziyətiş təşviğ kardə və İMT de İslomi Respublika nuvə məsələ anqıl diyaloq və diplomatikə prosesi dəvom doey dastəqi təkid kardəşe.

İron İslom Respublika xarici koon vəzir Seyd Əbbos Ərağçi de Antoniyo Quterresi bıə telefonə votemonədə çe İroni nuvə problem və reqiyonalə hodisəonış muzakirə kardə.Əv,çe İslomi Respublika bə İroni xalği huğuğ və mənafeyon Nuvə Silohon Pevolonıkardey Mığovilə bob mıhofizə əzmi və İMT və qırd kişfəron bə İroni dinc məğsədinə nuvə obyekton ələyh ğeyri-ğanuni hucumon məhkum kardeyədə ruşin və ğətiyə mevğe numayiş kardey vocibəti təkidış karde.

Ərağçi seqlə Avropa kişfəri çe AİŞ və seonist rejimi hərbi təcavuzi nəzədə nıqətey və de Əmniyyət Şura ləğv kardə bıə ğətnomə bərpo kardey təhdidi anqıl nəzəş beməsuliyyət və beəsosış hisob karde və votışe:In cur nəzə fəğət məsələ mırəkkəb bəkarde.İroni xarici koon vəzir həmçinin bə İroni nuvə obyekton ələyh ğeyri-ğanuni hucumon nəticədə icod bıə nuyə şərayitədə bo İroni əmniyyəti ehdəmonon bə vırə rosneyro bıə roziyəti bə dast vardero de Aqentəti bıə konstruktivə mızokirəon bardə holədə,bə İslomi Respublika məsuliyyətinə nəzə işorə kardə holədə,Avropa tərəfon və İMT Əmniyyət Şura uzvon bə çın inkişofi erjon və əhəmiyyəti dərki vocibəti təkidış kardə.

İMT sər katib çe İroni de Aqentəti miyono mıtəğobilə fəoliyyəti tərzi dayir oxonə sazışi təşviğ kardə holədə, İMT de İronui nuvə problemi anqıl mızokirəon və diplomatikə prosesi dəvom doey dastəki təkidış kardə.