israil çıro çe Misr iyən Tırkiyə mıştərəkə hərbi dıyo təlimiku tarseydə?
Tırkiyə de Misri miyono təlimon bərpo bey və Misri ğıvvon Sinay niməcəzirədə hevujə mığyosinə formədə vırəbərvırə kardey bə seonist rejimi norohətçəti səbəb bıə.
Bə Pars Tudey-məlumoti əsos,Misri ğıvvon Sinay niməcəzirədə hevujə mığyosinə formədə vırəbərvırə kardey kəno,Tırkiyə de Misri miyono qıləy dırozə fosilə bədiqə təlimon bərpo bey,bə seoniston norohətçəti və tarsi boyis bıə.seonistə “Maariu” qəzet demi anqıl nıvıştəşe ki,Tırkiyə və Misr 13 sori bədiqə iminə kərə mıştərəkə hərbi dıyo təlimonışon dəvordınə.Im,Nezə Şərğədə de ğeyri-sabitə əmniyyəti vəzyəti şiddətin bey bə izəmon bə əməl ome.
İbrani qəzeti ğeydış kardə ki,Tırkiyə de Misri miyono hərbi həmkoəti reqiyonal munasibətonədə və əmniyyəti sahədə bıə həmkoətiyədə bə potensiyalə əvəzon dəlolət kardedə.bə Maariu sıxanon əsos,“Im qəm çe Tırkiyə və Ərdoğani Suriyadə Əsədi hukuməti peqordıney bədiqə, Nezə Şərğədə bənə qıləy əsosə aktyori boştə mevğeyon bərğəror kardero nışon dəo veyədədinə səyonku qıləy hissəy.
