Tramp və çe Amerkə bə Miyonə əsri mığoviləon oqardemon

Trampi dıminə prezdendəti devrədə çe AİŞ-on xarici siyosəti bə əsosinə əvəzon şoyd be;adətən Konqresi tərəfiku ğanuni bıənin bıə beynəlxalğə mığoviləon bə şəxsi roziyətiyon təbdil be.

Amerkə “Foreign Policy” jurnal bın nezonədə ıştə qıləy məğolədə nıvıştəşbe:Trampi dıminə prezdendəti devrədə çe AİŞ-on xarici siyosətədə ənənəvi,bə ğanuni əsos bıə prosesiku imtino kardey be.Konstitusiya,Konqresi tərəfiku ğanuni iyən leqitim bıənin bıə beynəlxalğə mığoviləon bə prezdenti de xarici lideron miyono bıə şəxsi roziyətiyon təbdil be.

Bə Pars Tudey doə məlumoti əsos,ın sazişon zohirədə bənə diplomatikə noiliyyəton təğdım həm bıbu,əməl iyən praktikadə vey bə fərdi əməliyyoton mandedə və bə mehkəmə huğuği və institusiyonalə əsoson malik ni.jıqo qıləy əvəzon çe mığoviləon de krali irodə və həyoti anqıl jeyə bıə miyonə əsri modeli bə yod vardedə.Amerkə siyosi ənənə təkid kardedə ki,muhimmə mığoviləon de Senati sedə dı sədo və ya de Konqresi sədo ziyodəti təsdığ bıənine ki,hiç qıləy prezdent çe kişfəri tale ıştənbəsə əvəz kardey əzıni.