Bə Ovşımi kurə səfədə İroni de Çini həmkoəti

İron İslom Respublikə Kosmik Təşkiloti rəhbər bə Ovşımi kurə səfə zəmon də de Çini həmkoətiş elon kardə.

Pars Tudey bə Mehr-i istinodən doə məlumoti əsos,İron İslom Respublikə Kosmik Təşkiloti rəhbər Həsən Salariyə şanbə ruji Tehronədə bərpo bıə Umumdınyo Kosmos Haftə ojbemoni mərosimədə de Çini "Çanqe 8" Bə Ovşımi kurə nıştemoni loyihə sahədə həmkoəti kardeyış elon kardə və votəşe:dəvardə sori bino bıə ım həmkoəti ısət muhərriki loyihə kəşey və prototipi inşo bino kardey sahədə mərhələ bə oxo rəsə.Bın sahədə, xususən həm kosmosədə və diqər planetonədə təbiyi ehtiyoton istismori sahədə beynəlxalğə həmkoəti strateji əhəmiyyət kəsb kardedə.

Həsən Salariyə bə İroni kosmik sahədə bıə strateji planon işorə kardə holədə,çe bumiyə texnoloqiyaon inkişof,beynəlxalğə həmkoəti və şəxsi sektori kosmosi loyihəonədə fəolə iştirokədə muhimmə navşemononış bəyon kardə.Əv,bə İroni Dasornə Kosmosi Plani və bə Haftminə İnkişofi Plani icro təkid kardə holədə əlovəş kardə:Kosmosi elmi və kəşfiyyoti sahədə universiteton və tədğiğot mərkəzon sahədə ziyodə mığdorədə loyihəon bə həyot dəvordıney bəbe.

İroni Kosmik Təşkiloti rəhbəri ğeydış kardə:Çın proqramon həmməysə muhimmə qıləyniyonku bənə kosmosi laboratoriyaon biokosmos sahədə suborbital və orbital teston dəvordıney və radiasiya,temperatur və təzyiği təsiron imkon doə dəğiğə rəhbərəti və bə nəzorət imkonon malik bio-kapsulaon və bə dumo oqordıney bıə tədğiğot platformaon hozzı kardeye.