Yaponiya israyilış de sanksiyaon təhdidış kardə
Yaponiya xarici koon vəziri 7 oktyabri hucumi sorəqardışədə xəbərdorətiş kardə ki,əqər israyili rejim dıqlə devləti həlli ro məhf bıko,Tokyo sanksiyaon daxil bıə holədə varianton nəzəku dəbəvordıne.
Takeşi İvaya seşanbə ruji şəvi zəmonədə,çe 7 oktyabr 2023-ə sori torıxi dıminə sorəqardışədə(15 Mehr 1402) elonış kardə:Ehyanə çe dıqlə devləti həlli binovrə təmomən məhf bıbu,Yaponiya bə israyili ələyh sanksiyaon və ya Fələstini bə rəsmiyyət zıney həm daxil bıə holədə qırd varyanton nəzəku dəbəvordıne.Əv,bə israyili itərəfinə hərəkəton oqətey,Ğəzzə tanqədə dəvominə otəşvəsi bə dast vardey və məhbuson ozod kardey vocibətiş təkid kardə və bə ın tanqə humanitarə imdodon vığandeyış tələb kardə.
Yaponiya xarici koon vəzirəti çımi bənav həm bəyonış kardəbe ki,israyili ləşkəri Ğəzzə şəhrədə zəmini əməliyyot ğəbul bıənin ni və çe dıqlə devləti həlli binovrə zəyif kardey bəzıne və vəşyanəti həm daxil bıə holədə,mevcudə humanitarə behroni vey bevəc kardey bəzıne.
