Medvedev:Tramp de Rusiyə bə canq dəşə
Rusiya Əmniyyət Şura sədri muavin pencşambə ruji çe AİŞ prezdent Donald Trampi de nuyə sanksiyaon tətbiğ kardey və Budapeştədə deştə rusiyavıjə həmko bıə dido ləğv kardə holədə bə de Rusiya muharibə daxil beyış bəyon kardə və bə AİŞ-on çəmə dışmen bey və hay-kuyinə "sulhtələb" bey təkidış kardə.
"Trampi Budapeşti sammiti ləğv kardey;AİŞ-on bəçəmə kişfəri (bə Rusiya)ələyh nuyə sanksiyaon;həni kom çi? Məşhur Tomahawk rəketonku əlovə nuyə silohon bəbe?"Rusiya Əmniyyət Şura sədri muavini əlovəş kardə:“Əgər ziyodə analitikonku har qıləyni(de AİŞ munasibəton çok kardey anqıl) hələm həm qıləy illuziyaş hestebu,əvon iyon(əvon bəsə dəşən ki) AİŞ çe Rusiya dışmene və qıləy hay-kuyinə “pasifist”-e;əvon ısət de Rusiya tam muharibə vəzyətədən.
Medvedevi nıvıştəşe:Roste,Tramp həmişə çe Kiyevi “Bandera” tərəfiku fəolə şikilədə canq kardedəni,əmmo ım,çəy munağişəy,“çe piyə Bayden”i munağişə ni!Bə Rusiya xəbə mənbəon əsos,Medvedevi Banderaku bəhs kardey Dıminə Dınyo Canqədə Ukrayna ifrotə millətçiyə siyosi fəol və çe Hitleri nasizmi muttəfiğ bıə “Stepan Andreyeviç Banderay”.
Dmitri Medvedev Amerika tərəfi bə Rusiya zidd sanksiyaon tətbiğ kardey və boştə dışmenə hərəkəton bəhonə vardero bıə sıxanon işorə kardə holədə əlovəş kardə:“Trampi boştə anti-Rusiya hərəkəton bəhonə vardey cəhdon əsosə məğami əvəz kardedəni,çunki ğəroron ğəbul kardey bıə və bə Rusiya zidd canqi əməliyyoton bino bıə və ısət Tramp ıştən təmomən de “cındoə” Avropa i bıə”.
