Çandə milyon Amerkəvıj ərzoği əmniyyətiku norohəte
Çandə milyon Amerkəvıj ərzoği əmniyyətiku norohəte;Amerkə həyğətən sərvətine ?
AİŞ-ədə moliyyə behron dəvom kardə holədə,çın kişfəri 42 milyon vətəndo çe hardemoni əmniyyətiku norohəte.
AİŞ federalə hukuməti bastə bey,bə çominə haftə nez bıə holədə,"SNAP" və "VIC" nomo ərzoğ imdodi proqramonku foydə bardə təxminən bo 42 milyon amerkəvıji ərzoği təminoti roy pəydo kardero bə dumo aşmardemon bino bıə.
AiŞ prezdent Donald Tramp bə Asiya səfə kardə zəmonədə,"SNAP" və "VIC" nomo dıqlə əsosə ərzoğ imdodi proqramonədə bə budcə behroni pərokəndə həvatemoni təchizot zənciri təsirış noə və bo çandə milyon amerkəvıji bə ərzoği dastrəsış de təhlukə dimbədimış kardə.Amerkəvıjon miyono ərzoği əmniyyətiku norohətçətiyon qıləy holədə bə əməl omeydə ki,ın kişfər ıştəni çe dınyo həmməysə dıjdə ixtisodiyyot zıneydə.
