AİŞ boçi Avropədə bıə hərbi ğıvvon bəkam kardero cəhd kardedə?

Vaşinqtoni bə NATO uzv bıə Avropa devləton bın ğitədə hərbi ğıvvon mevcudəti bəkam kardey barədə məlumotış doə.

Bə Pars Tudey doə məlumoti əsos,Rumıniya Mudafiyə Vəzirəti çe Vaşinqtoni bə ın kişəri və bə Şimoli Atlantika Mığovilə Təşkiloti(NATO) diqər uzvon Avropədə vağe bıə AİŞ hərbi ğıvvon mevcudəti bəkam kardey barədə məlumotış doə.

Avropədə vağe bıə AİŞ hərbi ğıvvon ədədi bəkam kardey de Pentaqoni Ğərbi niməkurədə və Sakit okeyani məntəğədə mevcudəti cəm kardey səyon əloğədore.In tədbir çe AİŞ silohinə ğıvvon qlobal mevğey nəzəku dəvordıney prosesi iqlə hissəy.