De Həzrət Fatməye Zəhro(s) şəhodəti sorəqardışi mınosibəti
De Hicri təğvimi 1445-ə sori Cəmadius-Sani manqi 3-ə ruji,çe əzizə Pəyğombər Məhəmmədi(s) mahbubə kinə və dınyo şiəyon iminə imom Əmirəl-Muminin Əli ibn Əbi Tolıbi(ə) həyot həmro Həzrət Fatməye Zəhro(s) şəhodəti sorəqardışe.
Har sor İslomi İroni mısılmonə xalğ çe fəziləti banu,iffət iyən məsuməti numunə bıə Həzrət Fatməye Zəhro(s) şəhodəti ruji bə məçiton,bə Huseyniyəon və dini məkonon şeyə holədə matəmə mərosimonışon bərpo kardə.
Həzrət Fatməye Zəhro(s) Besəti pencminə sorədə,Cəmadius-Sani manqi 20-ədə Məkkədə moəku bıə.Ə həzrət ıştə hırdənəti zəmoniku ıştə dədə İslomi azizə Pəyğombəri(s) rəhbərəti jiyədə de İlahi ulvi iyən aliyə təlimon oşno be.Həzrət Fatməye Zəhro(s) 18 sornə umri bəpeştə,ıştə devri hukmdoron ziyodə zulmon bəpeştə və bəştə pı Həzrət Məhəmmədi(s) rehləti əzob və kədəri səbəbi xoto,bə qıləy rəvoyəti əsos,de Hicri təğvimi 11-ə sori Cəmadiyul-Əvvələ mo 13-ə və ya Cəmadiyul-Sani manqi seminə ruji bə şəhodəti məğami rəsə.
İron İslom Respublika Rədyo və Televiziya həm de Həzrət Fatimə Zəhro(s) şəhodəti sorəqardışi munasibəti bə dınyo həmmə mısılmınon və bə ozodipiyə insonon səbəsəloməti doydə.
